Þýska knattspyrnan, Bundesligan, mun hefjast að nýju á laugardag. Deildin verður þannig fyrst allra stóru deildanna í Evrópu til þess að reyna að ljúka tímabilinu, sem hefur verið í pásu frá því snemma í marsmánuði vegna heimsfaraldurs kórónuveiru.
Íslendingar munu geta fylgst með, en norræna streymisveitan Viaplay er með sýningarréttinn að þýska boltanum á Íslandi og ætlar að byrja að bjóða upp á íþróttapakkann sinn á Íslandi frá og með morgundeginum. Pakkinn mun kosta 1.599 krónur á mánuði.
Steymisveitan hóf að bjóða upp á þjónustu sína á Íslandi 1. apríl síðastliðinn, en hefur til þessa einungis boðið upp á þáttaseríur, kvikmyndir og barnaefni, enda íþróttirnar nær allstaðar í dvala vegna heimsfaraldursins.
„Það verður frábært að fá fótboltann aftur í gang og gaman að geta loks boðið Íslendingum upp á eitthvað af þeim stórkostlegu íþróttum sem NENT Group hefur tryggt sér útsendingaréttinn að. Auk Bundesligunnar geta Íslendingar einnig horft á NASCAR-kappaksturinn á sunnudaginn og vonandi einnig Formúlu 1 og Bundesligu-handboltann fljótlega,“ er haft eftir Kim Mikkelsen, yfirmanni íþróttasviðs NENT, í fréttatilkynningu.
Í tilkynningunni frá Viaplay segir að allir leikir efstu deildar verði sýndir og einnig valdir leikir í næstefstu deild þýska fótboltans. Fyrstu þrjár viðureignirnar um helgina verða sýndar með íslenskum álitsgjöfum, en aðrir leikir með enskum álitsgjöfum.[links]
Hvað íþróttir varðar er Viaplay að verða risi á norrænum sjónvarpsmarkaði og hefur til dæmis tryggt sér sýningarréttinn á enska boltanum í Noregi, Danmörku, Svíþjóð og Finnlandi frá 2022-2028, auk þess að vera með sýningarréttinn á Meistaradeild Evrópu á einstaka mörkuðum nú þegar.
Anders Jensen, forseti og framkvæmdastjóri samstæðunnar sem rekur streymisveituna, ræddi við Kjarnann í lok mars og vildi þá ekki staðfesta hvort fyrirtækið ætlaði sér að sækjast eftir sýningarrétti á þessum vörum hér á landi í framtíðinni, en bætti við að sagan hefði sýnt að Viaplay hefði verið í sóknarhug gagnvart þessum vörum á öðrum norrænum mörkuðum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kórónuveiran
Mögulega mest smitandi afbrigðið hingað til
Segja skimun kínverskra ferðamanna ekki byggða „á neinum vísindalegum rökum“
Segir aðstoðarmann Ásmundar Einars hafa „staðfest“ að ÍBV ætti að fá 100 milljóna styrk
Bóluefnakapphlaupið kostaði 1,3 milljónir manna lífið
Takmarkanir myndu þjóna takmörkuðum tilgangi
Athugasemdir