24. febrúar 2025 Fjár­mála­ráð­herra hef­ur sett nýj­ar regl­ur um hvernig stað­ið er að vali í stjórn­ir stórra rík­is­fyr­ir­tækja. Helm­ing­ur stjórn­ar­formanna í þess­um fyr­ir­tækj­um í dag hef­ur gegnt trún­að­ar­störf­um við flokk­ana sem skip­uðu þá.

23. febrúar 2025 Icelanda­ir og Play töp­uðu bæði á síð­asta ári. Það síð­ar­nefnda hátt í tíu millj­örð­um króna og hef­ur aldrei skil­að hagn­aði. Við­snún­ing­ur til hins verra varð á rekstri Icelanda­ir. Líf­eyr­is­sjóð­ir eru stærstu eig­end­ur fé­lag­anna beggja.

17. febrúar 2025 Breki Karls­son, formað­ur Neyt­enda­sam­tak­anna, seg­ir venju­lega ís­lenska neyt­end­ur ekki hafa val um ann­að en að borga þá háu raun­vexti sem bank­arn­ir hafa upp á að bjóða. 96 millj­arða króna hagn­að­ur þeirra á síð­asta ári bygg­ir að stærst­um hluta á hrein­um vaxta­tekj­um.

14. febrúar 2025 Ís­lensku við­skipta­bank­arn­ir fjór­ir, Lands­banki, Ís­lands­banki, Ari­on banki og Kvika, græddu sama­lagt 96 millj­arða króna. All­ir hafa þeir skil­að upp­gjöri og vilja stjórn­ir þeirra greiða eig­end­um sín­um meira en 50 millj­arða króna í arð. Ís­lenska rík­ið og líf­eyr­is­sjóð­ir eru lang­stærstu eig­end­ur ís­lenska banka­kerf­is­ins og mega því vænta stærsta hluta arðs­ins.

14. febrúar 2025 Hæfn­is­nefnd­in sem komst að nið­ur­stöðu um að Brynj­ar Ní­els­son vara­þing­mað­ur væri hæf­ast­ur til að verða dóm­ari við Hér­aðs­dóm Reykja­vík­ur horfði sér­stak­lega til starfa hans sem póli­tísks að­stoð­ar­manns Jóns Gunn­ars­son­ar í dóms­mála­ráðu­neyt­inu. Meiri­hluti um­sækj­enda dró um­sókn­ina til baka eft­ir að þeir voru upp­lýst­ir um hverj­ir aðr­ir sóttu um.

11. febrúar 2025 Frétta­mað­ur­inn Heim­ir Már Pét­urs­son hef­ur ver­ið ráð­inn fram­kvæmda­stjóri og upp­lýs­inga­full­trúi þing­flokks Flokks fólks­ins. Hann yf­ir­gef­ur Stöð 2, þar sem hann hef­ur leitt stjórn­má­laum­fjöll­un mið­ils­ins.

11. febrúar 2025 Eig­andi einn­ar stærstu pitsustaða­keðju lands­ins hef­ur reitt fram mörg hundruð millj­ón­ir á síð­ustu ár­um til að bjarga henni frá gjald­þroti. Óljóst er hvað­an pen­ing­arn­ir koma. Helsti keppi­naut­ur­inn skil­ar á sama tíma millj­arða hagn­aði.

10. febrúar 2025 Gaselda­vél með ofni fyr­ir rúma hálfa millj­ón og inn­rétt­ing­ar fyr­ir 45,5 millj­ón­ir voru með­al kostn­að­ar­liða í 120 millj­óna króna fram­kvæmd­um á heim­ili for­seta Ís­lands á Bessa­stöð­um ný­ver­ið. Kostn­að­ur­inn fór 40 pró­sent fram úr áætl­un­um.

7. febrúar 2025 Festi, sem er móð­ur­fé­lag Krón­unn­ar, N1 og fleiri versl­ana, skil­aði já­kvæðri af­komu upp á 6,4 millj­arða króna. Stærst­ur hluti þess er hagn­að­ur af rekstri fyr­ir­tækja í sam­stæð­unni. Stjórn Fest­is legg­ur til að greidd­ur verði 1,4 millj­arða arð­ur til eig­enda.

6. febrúar 2025 Rúm­lega helm­ing­ur kjós­enda vill að þeir flokk­ar sem hafa hlot­ið greiðsl­ur úr rík­is­sjóði án þess að vera skráð­ir sem stjórn­mála­flokk­ar end­ur­greiði féð. Aft­ur á móti er stuðn­ings­fólk Flokks fólks­ins – sem á mest und­ir – lík­leg­ast til að vilja að flokk­arn­ir haldi fjár­mun­un­um.

26. janúar 2025 Öl­gerð­in hef­ur keypt Gæða­bakst­ur af dönsk­um og ís­lensk­um eig­end­um fyr­ir 3,5 millj­arða króna. Fyr­ir­tæk­ið er sann­kall­að­ur risi á brauð- og bakst­urs­mark­aði og sel­ur vör­ur und­ir fjölda vörku­merkja.

26. janúar 2025 Eig­end­ur Bláa lóns­ins hafa fjár­fest í bað­tengdri ferða­þjón­ustu víðs veg­ar um land­ið. Fram­an af voru byggð upp böð við sjó og vötn en nú er sjón­um beint að há­lendi Ís­lands. Nýj­ar fjár­fest­ing­ar eru hluti að­gerða eig­enda til að dreifa áhætt­unni við rekst­ur fyr­ir­tæk­is­ins í námunda við Reykja­neselda.

24. janúar 2025 Eig­end­ur Bláa lóns­ins hafa grætt millj­arða á að selja ferða­mönn­um að­gengi að lón­inu, sem er í raun affalls­vatn af virkj­un í Svartsengi. Eft­ir að elds­um­brot hóf­ust í bak­garði lóns­ins, sem þó er var­ið gríð­ar­stór­um varn­ar­görð­um, hafa stjórn­end­ur leit­að leiða til að dreifa áhættu og fjár­fest í ferða­þjón­ustu fjarri hættu á renn­andi hrauni. Tug­millj­arða hags­mun­ir eru á áfram­hald­andi vel­gengni lóns­ins en nær all­ir líf­eyr­is­sjóð­ir lands­ins hafa fjár­fest í því.

20. janúar 2025 Dótt­ur­fé­lag rík­is­fyr­ir­tæk­is­ins Isa­via er lík­lega einn stærsti að­il­inn í Mark­aðs­ráði Kefla­vík­ur­flug­vall­ar. Ráð­ið keypti eitt af dýrstu aug­lýs­ingapláss­um árs­ins um ára­mót­in í því skyni að fá fólk til að vera leng­ur í flug­stöð­inni. Vís­bend­ing­ar eru um að stærsti hluti kostn­að­ar­ins hafi ver­ið greidd­ur af Frí­höfn­inni.

13. janúar 2025 Ef Sjálf­stæð­is­flokk­ur­inn hefði feng­ið fjór­um at­kvæð­um fleiri en Við­reisn í Suð­vest­ur­kjör­dæmi tækju Brynj­ar Ní­els­son hjá Sjálf­stæð­is­flokki og Að­al­steinn Leifs­son í Við­reisn sæti á þingi í stað Jóns Pét­urs Zimsen og Gríms Gríms­son­ar. Á ann­an tug utan­kjör­fund­ar­at­kvæða voru ekki tal­in í kjör­dæm­inu.

12. janúar 2025 Op­in­bera hluta­fé­lag­ið Isa­via svar­ar því ekki hvað kostaði að fram­leiða og birta aug­lýs­ingu fyr­ir Ára­móta­s­kaup­ið. Fyr­ir­tæk­ið á ekki í sam­keppni við neinn um rekst­ur milli­landa­flug­valla. Tals­mað­ur Isa­via seg­ir aug­lýs­ing­una vera á veg­um Mark­aðs­ráðs Kefla­vík­ur­flug­vall­ar og sé ætl­að að fá fólk til að vera leng­ur í flug­stöð­inni fyr­ir ferða­lög.