22. mars 2024 Banki hefur ákveðið að kaupa trygg­inga­fé­lag. Bankaráð hans telur sig mega það. Kaupin séu í sam­ræmi við eig­enda­stefnu stjórn­valda. Það telur sig líka hafa upp­lýst stofn­un­ina sem fer með eign­ar­hlut rík­is­ins í bank­anum um mála­vexti, en hún kann­ast ekk­ert við það. Ráð­herr­ann sem fer svo með hluta­bréf rík­is­ins í bank­anum birti Facebook-færslu þar sem hann lagð­ist gegn kaup­unum og sagð­ist hafa gefið út yfir­lýs­ingu þess efnis. Það var gert í hlað­varpi.

21. mars 2024 Vaxta­gjöld heim­ila hafa hækkað um 80 pró­sent á tveimur árum og kaup­máttur ráð­stöf­un­ar­tekna, virði þeirra pen­inga sem eru í vasa lands­manna, hefur lækkað í fimm af sex síð­ustu árs­fjórð­ungum. Heimilin borg­uðu rúm­lega 125 millj­arða króna í vexti í fyrra. Samhliða juk­ust vaxta­tekjur banka veru­lega, og hagn­aður þeirra með.

20. mars 2024 Verð­mætasta félagið í íslensku Kaup­höll­inni hefur sam­tals tapað næstum 150 millj­örðum króna á tveimur árum og átti lítið laust fé um síð­ustu ára­mót. For­stjóri þess, Róbert Wessman, fékk 17,4 millj­ónir króna að með­al­tali í mán­að­ar­laun á árinu 2023.

18. mars 2024 Nýr for­seti lýð­veld­is­ins verður kos­inn 1. júní næst­kom­andi. Síðast þegar sitj­andi for­seti var ekki í fram­boði náðu fjórir fram­bjóð­endur að á bil­inu 13,7 til 39,1 pró­sent fylgi. Þau eyddi til þess 109 millj­ónum króna á núvirði.

17. mars 2024 Fjármála- og efna­hags­ráð­herra segir að rík­is­fyr­ir­tæki eigi ekki að kaupa trygg­inga­fé­lag. Hún ætlar að óska skýr­inga frá Banka­sýslu rík­is­ins, stofnun sem var sett á fót til að koma í veg fyrir að stjórn­mála­menn skiptu sér af rekstri rík­is­banka, á kaupum Lands­bank­ans á TM. Samkvæmt eig­enda­stefnu má ekki selja hluti í Lands­bank­anum fyrr en allt hlutafé í Íslands­banka hefur verið selt.

15. mars 2024 Hópur sem mynd­aði eitt sam­fé­lag fyrir rúmum fjórum mán­uðum síðan er nú dreifður um allt land, er byrj­aður að selja heim­ili sín til rík­is­ins og hefur fengið 1,8 millj­arða króna í stuðn­ing vegna þess að hann getur ekki sótt vinnu.

15. mars 2024 Tveir þriðju hlutar þeirra kjara­bóta sem fást á fyrsta ári eftir gild­is­töku nýlega gerðra kjara­samn­inga koma frá hinu opin­bera, og þriðj­ungur úr atvinnu­líf­inu. Samhliða eru stigin stór skref í átt að því að end­ur­reisa milli­færslu­kerfi sem leynt og ljóst hefur verið reynt að leggja niður á síð­asta ára­tug. Sam­komu­lagið er sigur fyrir Katrínu Jak­obs­dóttur for­sæt­is­ráð­herra, sem hefur lagt mikið á sig til að landa honum.

14. mars 2024 Raun­veru­leg atburða­rás örlaga­dag­inn 10. nóv­em­ber í Grinda­vík hefur verið á reiki. Hvað flokk­ast undir hættu­á­stand og hvers vegna var Grinda­vík ekki rýmd um leið og skjálfta­virkni tengd kviku­hreyf­ingum færð­ist undir byggð­ina? Heim­ildin greinir atburða­rás­ina og leitar svara hjá almanna­vörnum.

13. mars 2024 Arðsemi íslenskra banka er meiri en evr­ópskra og vöxtur hennar var fyrst og síð­ast til­kom­inn vegna auk­ins hagn­aðar af því að rukka heim­ili og fyr­ir­tæki um vexti. Viðbúið er að mik­ill vaxta­munur muni aukast á þessu ári, en lík­legt er að útlána­töp muni aukast á næst­unni þegar fólk hættir að borga af lánum sem það ræður ekki lengur við.

11. mars 2024 Mikil breyt­ing hefur orðið á fjölda þeirra sem sækja um vernd hér­lendis á síð­ustu mán­uðum. Þeim hefur fækkað hratt og ný spá félags- og vinnu­mála­ráðu­neyt­is­ins gerir ráð fyrir að umsóknum geti fækkað um rúman helm­ing milli ára. Það myndi lækka kostn­að­inn vegna þjón­ustu við flótta­fólk um marga millj­arða.

10. mars 2024 Stjórn­ar­fundir í skráðum félögum eru að jafn­aði einu sinni í mán­uði. Þeir sem sitja í stjórnum þeirra fá vel greitt fyrir, sér­stak­lega for­menn stjórna. Laun hjá 15 af 20 sem hafa skilað árs­reikn­ingi hækk­uðu á síð­asta ári.

8. mars 2024 Líf­eyr­is­sjóðir lands­ins hafa verið gagn­rýndir fyrir að vera áhrifa­litlir eða áhrifa­lausir hlut­hafar og eft­ir­láta einka­fjár­festum með lít­inn hlut í stórum félögum það að móta stefnu umræddra félaga, meðal ann­ars í launa­málum for­stjóra. Það gæti verið að breyt­ast.

8. mars 2024 Laun for­stjóra stórra fyr­ir­tækja á Íslandi eru marg­falt hærri en laun flestra ann­arra á Íslandi. Það er rök­stutt með því að stör­f­unum fylgi mikil ábyrgð og það eigi að end­ur­spegl­ast í góðum launa­kjörum. Þrátt fyrir að virði margra félaga í Kauphöll hafi lækkað á síð­ustu tveimur árum hafa laun for­stjóra haldið áfram að hækka og nýjar leiðir til að bæta við þau hafa fallið til. Auk grunn­launa og greiðslna í líf­eyr­is­sjóð geta þau verið sam­an­sett úr árang­urstengdum greiðslum, kaupaukum, kaup­réttum og jafn­vel „keyptum starfs­rétt­indum“. Þá kost­uðu gullnar fall­hlífar fyrir brottrekna for­stjóra skráð félög í Kauphöll mörg hund­ruð millj­ónir króna á síð­asta ári.

7. mars 2024 Ríki og sveit­ar­fé­lög hafa skuld­bundið sig til að ráð­ast í marg­hátt­aðar og kostn­að­ar­samar aðgerðir til að liðka fyrir þeim lang­tíma kjara­samn­ingum sem und­ir­rit­aðir voru fyrr í dag.

7. mars 2024 Ef Orku­veit­unni tekst að finna kaup­endur að nýju hlutafé í Ljós­leið­ar­anum og Carbfix þá ætlar hún að greiða eig­endum sínum sex millj­arða króna í arð. Stærstur hluti fer til stærsta eig­and­ans, Reykja­vík­ur­borgar. Ef það tekst ekki mun arð­greiðslan lækka um tvo millj­arða króna og Orku­veitan auka hlutafé sitt í Ljós­leið­ar­anum.