5. mars 2022 Ragna Bene­dikta Garð­ars­dóttir, pró­fessor í sál­fræði, segir erfitt að breyta neyslu­hegðun fólks sem búi við kerfi sem stöðugt hvetji það til að kaupa meira en ástæða sé til. ,,Ef þú grillar þér ham­borg­ara ertu ekki endi­lega að tengja það við það að barna­barnið þitt eigi eftir að lifa í erf­ið­ari heimi,“ segir hún. Bryn­hildur Pét­urs­dóttir, fram­kvæmda­stjóri Neyt­enda­sam­tak­anna, segir að fólk van­meti enn þá vá sem mann­kynið standi frammi fyrir.

5. mars 2022 Óbirtar nið­ur­stöður viða­mik­illar rann­sóknar á kolefn­is­fótspori íbúa Norð­ur­landa sýna að Íslend­ingar eru neyslu­frekasta þjóðin og fót­spor íslensku þjóð­ar­innar því stærst. Á alþjóða­vísu er neysla Íslend­inga tvisvar til þrisvar sinnum meiri en ann­arra þjóða. Pró­fessor í umhverfis - og bygg­inga­verk­fræði segir lífs­stíl rík­ustu þjóða heims dýru verði keyptur.

4. mars 2022 Rit­stjór­inn Kristjón Kormákur Guð­jóns­son hefur við­ur­kennt inn­brot á rit­stjórn­ar­skrif­stofu Mannlífs. Hann steig fram í við­tali við Reyni Trausta­son, rit­stjóra Mannlífs, í hlað­varps­þætti sem birtur var í kvöld. Segist hafa fengið millj­óna greiðslur frá Róberti Wessman fyrir ráð­gjöf og fleira.

4. mars 2022 Áslaugu Örnu Sig­ur­björns­dóttur, vís­inda-, iðn­aðar- og nýsköp­un­ar­ráð­herra, var ekki heim­ilt að setja Ásdísi Höllu Braga­dóttur í emb­ætti ráðu­neyt­is­stjóra í nýju ráðu­neyti. Skipunin var til þriggja mán­aða á meðan emb­ættið var aug­lýst en settur ráðu­neyt­is­stjóri, Ásdís Halla, er meðal umsækj­enda.

4. mars 2022 Mannslíf geta verið í hættu á Íslandi vegna skriðu­falla, tíð­ari gróður- og skóg­ar­elda af völdum lofts­lags­breyt­inga. Þá getur smit­sjúk­dóma­hætta auk­ist við hlýn­andi veð­ur­far. Sigurður Loftur Thorlacius umhverf­is­verk­fræð­ingur segir lítið sem ekk­ert hafa verið rætt um við­brögð við lofts­lagsvá á Íslandi fyrr en nýlega. Vinna við stórt áhættu­grein­ing­ar­verk­efni er hafið hjá Almanna­vörnum.

3. mars 2022 Óttast er að um fjórar millj­ónir íbúa Úkraínu muni neyð­ast til að flýja landið á næst­unni. Á þeirri viku sem liðin er frá inn­rás Rússa hefur rúm milljón manna flúið landið. Utan­rík­is­ráð­herra Rúss­lands sagði í dag að ráða­menn á Vest­ur­löndum væru að íhuga að skipu­leggja stríð gegn Rússum og að þeir ættu að hugsa sig vel um áður en þeir geri það.

3. mars 2022 Slælegri fram­gangur rúss­neska hers­ins í Úkraínu en við var búist og bit þving­un­ar­að­gerða er að hrekja ráða­menn Rúss­lands út í horn að mati Veru Knúts­dóttur öryggis- og varn­ar­mála­sér­fræð­ings. „Pútín er að spila rúss­nesku rúl­lettu.“

3. mars 2022 Íslenska ríkið hefur hagn­ast um tíu millj­arða króna á sölu los­un­ar­heim­ilda. Ólíkt öðrum Evr­ópu­þjóðum setur Ísland sér engin skil­yrði um að nýta þessa fjár­muni til lofts­lags­mála.

2. mars 2022 Bæti­efna­töflur með joði seld­ust upp hjá Lyfju í síð­ustu viku. Ástæðan er ótti fólks við geislun af völdum hugs­an­legrar notk­unar Rússa á kjarna­vopnum. Joðtöflur verja skjald­kirtil­inn fyrir geislun en sökum fjar­lægðar er hæpið að nokkur þörf sé á notkun þeirra hér á landi.

2. mars 2022 Leita þarf langt aftur á Sov­ét­tím­ann til að finna alvar­legri stöðu í sam­skiptum Rúss­lands og Vest­ur­veld­anna að mati Árna Þórs Sig­urðs­sonar sendi­herra Íslands í Moskvu. Hann telur að tal Pútíns Rúss­lands­for­seta um hugs­an­lega beit­ingu kjarna­vopna sé glanna­leg ógnun sem gæti fengið aðra í rúss­nesku stjórn­kerfi til að hugsa sig tvisvar um.

2. mars 2022 Laxa­dauð­inn hjá lax­eld­is­fyr­ir­tæk­inu Arctic Fish er sögu­legur en á milli 300 og 400 þús­und eld­is­laxar hafa drep­ist. Gísli Jónsson, dýra­læknir, hjá MAST, segir að aldrei áður í sögu þess­arar greinar á Íslandi hafi fleiri laxar drep­ist. Hann segir íslenska vet­ur­inn enn og aftur hafa minnt á sig.

1. mars 2022 Olga Dibrova, sendi­herra Úkraínu gagn­vart Íslandi, segir að íbúar Úkraínu séu fastir í martröð og vilji vakna til veru­leika þar sem þeir hafi end­ur­heimt landið sitt. Hún segir að her Úkraínu og íbúar lands­ins, konur og karlar, muni ef til kemur berj­ast til síð­asta blóð­dropa þannig að ,,hið illa” muni ekki sigra. Eina ósk íbúa Úkraínu sé að lifa í frið­sömu landi.

1. mars 2022 Myndband sem tekið var á 30 metra dýpi undir sjó­vkvíum í Dýra­firði sýnir það sem lík­ast til er hvítt lag af bakt­er­íum. Einungis er um að ræða annað slíka mynd­bandið sem tekið hefur verið, svo vitað sé, segja sér­fræð­ingar hjá Hafró. Bakt­er­í­urnar eru ekki hættu­legar mönnum en geta haft áhrif á líf­ríki sjávar og sýna lík­lega að of mikið sé af lax­eld­iskvíum í firð­inum og að eldið sé ekki sjálf­bært þar að öllu óbreyttu.