Hlynur Kristinn Rúnarsson var dæmdur í fimm ára fangelsi fyrir fíkniefnasmygl í Brasilíu árið 2016. Dómurinn var styttur á æðra dómstigi og eftir ár var Hlynur látinn laus. Hann hefur nú verið í fráhvarfi frá fíkniefnum í fjóra mánuði, en ekki liðu nema tveir mánuðir þar til hann hafði stofnað góðgerðarsamtökin Það er von. Aðeins þremur mánuðum eftir að hann hætti í harðri neyslu var hann farinn að fara með fræðslu inn í framhaldsskóla auk þess sem hann var í viðtölum við fjölmiðla, meðal annars á forsíðu Mannlífs, sem dreift er ókeypis í öll hús. Allt vekur þetta ugg í brjósti kvenna sem hafa verið í nánum samskiptum við Hlyn og vilja vara við því hvernig hann hefur gengið fram gagnvart þeim. Hafa þær meðal annars skjáskot undir höndum þar sem Hlynur viðurkennir ofbeldi gagnvart konum, talar um að hafa þurft að nánast nauðga konu í óráði til að fá …
Stígur fram sem fyrirmynd en þolendur eru enn í sárum
Engar reglur eru til um það hver fær að fara inn í grunn- og framhaldsskóla með fræðslu fyrir ungt fólk. Nýlega hefur ungur maður farið inn í framhaldsskóla með reynslusögu sína eftir aðeins þriggja mánaða fráhvarf frá fíkniefnaneyslu. Talskona Rótarinnar segir það alvarlegan öryggisbrest, Landlæknisembættið lýsir sömu áhyggjum og kallar eftir viðbrögðum ráðuneytisins. Þá hafa konur sem saka manninn um ofbeldi áhyggjur af því dagskrárvaldi sem honum hefur verið veitt, í gegnum fræðslustarfið og fjölmiðla.
Athugasemdir