„Við erum að von­ast til þess að sam­fé­lagið muni hreyfast í þann takt að við vinnum ekki mikið eftir hádegi á föstu­dögum,“ sagði Flosi Eirík­is­son, for­maður Starfs­greina­sam­bands­ins á blaða­manna­fundi vegna und­ir­rit­unar kjara­samn­inga í kvöld. 

Samkvæmt nýund­ir­rit­uðum kjara­samn­ingum getur starfs­fólk á ein­stökum vinnu­stöðum greitt atkvæði um breyt­ingu vinnu­tíma.

Sem dæmi geti starfs­fólk kosið að sleppa tveimur 20 mín­útna kaffi­tímum og farið 53 mín­útum fyrr heim á hverjum degi. Einnig sé hægt að safna upp stytt­ing­unni og fara ýmist heim á hádegi á föstu­dögum eða vinna aðeins annan hvern föstu­dag. 

„Hér er verið að stíga mjög stórt skref í að auka vinnu­staðalýð­ræði,“ sagði Flosi. 

Halldór Benjamín Þor­bergs­son, fram­kvæmda­stjóri Samtaka atvinnu­lífs­ins, sagði að upp­taka auk­ins sveigj­an­leika sé „hugsað sem tæki til að jafna fjöl­skyldu­á­byrgð“.

Samkvæmt for­sendum kjara­samn­ings­ins getur styttri vinnu­tími bætt sam­ræm­ingu fjöl­skyldu og vinnu, og leitt af sér aukna fram­leiðni.