Magnús Bjarni Gröndal, sem betur er þekktur undir lista­manns­nafn­inu Migthy Bear, hefur skot­ist upp stjörnu­him­in­inn sem fram­úr­stefnu­legur lista­maður sem tjáir sig á jaðr­inum. Bæði sem söngv­ari og gít­ar­leik­ari í þung­arokks­hljóm­sveit­inni We Made God eða í gegnum til­rauna­kennda raf­tón­list í gervi dragdrottn­ing­ar­innar Mighty Bear, sem skiptir um and­lits­grímur eftir upp­á­tækjum. Innra með Magnúsi Bjarna slær ólg­andi lista­manns­hjarta fyllt bar­átt­u­gleði. Hann opnar sig um tabúin, list­ina, hat­rið og ást­ina í öllu, þegar hann kýs að fella grímuna.

„Það þarf heil­mikla karl­mennsku og þor að útsetja sig í fjað­ur­skrúða og á pinna­hælum, stand­andi á miðju sviði undir sting­andi ljós­hafi athygl­innar. Hvað er það annað en kjarkur og þor að útsetja sig í dýrð­ar­ljóma drags­ins? Þar sem fólk getur hæðst og for­dæmt rétt sisona eftir geð­þóttum. Ég er óhræddur við að koma fram undir þeim for­merkjum, enda sviðið töfr­andi staður til að vera á. Þar sem list­sköp­unin fær að streyma og öll heims­ins …