Bæði Sjálfstæðisflokkur og Miðflokkur hafa greitt bandarískum aðstoðarmanni breska þjóðernisíhaldsleiðtogans Nigel Farage, Zachary Freeman, milljónir króna fyrir að skipuleggja ferðir til Bandaríkjanna. Freeman hefur skráð sig sem umboðsmann þessara tveggja flokka hjá bandaríska dómsmálaráðuneytinu. Hann vill ekki gefa upp um hvaða einstaklinga hann tengdi íslensku stjórnmálamennina við en hvorki Guðrún Hafsteinsdóttir, formaður Sjálfstæðisflokks, né Bergþór Ólason, sem skrifaði undir samning við Freeman, hafa svarað fyrirspurnum Heimildarinnar.

Ráðgjafi Nigel Farage

„Bæði Miðflokkurinn og Sjálfstæðisflokkurinn höfðu samband við mig og sögðust vilja eiga fundi, meðal annars í Washington,“ segir Zachary G Freeman, forstjóri og eigandi Imperial Independent Media. Markmiðið var að hitta þingmenn Repúblikanaflokksins og bandarískar hugveitur að því er fram kemur í svokallaðri FARA-skráningu sem er nauðsynleg lobbíistum eða ráðgjöfum sem ætla að leiða saman bandarískt og erlent stjórnmálafólk á bandarískri grundu. Zachary er vel tengdur inn í Repúblikanaflokkinn eftir að hafa starfað sem pólitískur ráðgjafi og aðstoðarmaður kjörinna fulltrúa Repúblikanaflokksins …