Þykkt mistur fullt af hættulegum örögnum lá yfir höfuðborg Indlands þegar tugir mótmælenda komu saman í Nýju-Delí til að krefjast aðgerða stjórnvalda gegn eiturefnum og mengun andrúmsloftsins. Foreldrar mættu með börnin sín, sem báru grímur og héldu á skiltum. Á einu þeirra stóð: „Ég sakna þess að ná andanum.“ 

Í Nýju-Delí búa um 30 milljónir íbúa en borgarsvæðið mælist reglulega á meðal menguðustu höfuðborga heims. Á hverjum vetri er borgin þakin þykkum mengunarskýjum, þegar kaldara loftslag fangar mengunarefni nærri jörðu og skapar banvæna blöndu af losun frá uppskerubrennslu, verksmiðjum og útblæstri farartækja.

Magn PM2,5, krabbameinsvaldandi öragna sem eru nógu smáar til að komast inn í blóðrásina, nær suma daga allt að 60 sinnum daglegum heilsufarsmörkum Sameinuðu þjóðanna.

Daginn sem mótmælin fóru fram voru mörkin við India Gate, þar sem mótmælin fóru fram, þrettán sinnum hærri en ráðlagt er samkvæmt Alþjóðaheilbrigðismálastofnuninni. „Í dag er ég hér sem móðir,“ sagði mótmælandinn Namrata …