Þú ert með PCOS, ef þú ætlar einhvern tímann að eignast barn þá myndi ég byrja að reyna núna,“ sagði kvensjúkdómalæknir Elísu Óskar Línadóttur þar sem hún sat inni á stofu hjá honum 19 ára gömul og nýbúin í ómskoðun.
Elísu var brugðið. Hún hafði alltaf ímyndað sér að hún yrði móðir og gekk því út hugsandi: „Ef ég ætla að verða mamma þá þarf ég bara að byrja núna.“
Þó að Elísa hafi þarna verið greind með sjúkdóm sem hefur áhrif á margt annað en frjósemi kvenna þá fylgdu engar ráðleggingar um hennar eigin heilsu. Áherslan var öll á barneignir.
„Það var engin ráðgjöf, það var ekki neitt,“ segir Elísa. „Ég var ekkert tilbúin í að verða mamma. Ég var að útskrifast úr fjölbraut og var að fara í háskólanám og bara lifa lífinu.“
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Móðursýkiskastið
Sett á lyf sem reyndust hættuleg
Ásta Þórdís Skjalddal gekk í 25 ár á milli lækna þar til hún fékk loks rétta sjúkdómsgreiningu. Aftur og aftur var hún sett á lyf við sjúkdómi sem hún var ekki með. Í tvígang voru lyfin sem hún var á tekin úr sölu því þau voru talin hættuleg heilsu fólks. „Það var enginn sem hlustaði,“ segir Ásta.
Grátbað um myndatöku fyrir barnið sem leiddi í ljós heilaæxli
Mánuðum saman þurfti Hrund Ólafsdóttir að grátbiðja lækni um að senda Sigrúnu, dóttur hennar, í myndatöku vegna alvarlegra veikinda sem voru skilgreind sem mígreni. „Barnið bara kvaldist og kvaldist og kvaldist og kvaldist.“ Þegar hún loks fékk ósk sína uppfyllta kom í ljós fimm sentímetra stórt æxli í litla heila Sigrúnar.
Innsæi Karenar öskraði: „Það er eitthvað að“
Þegar Karen Ösp Friðriksdóttir lá sárkvalin á kvennadeild Landspítala árið 2019 var hún sökuð um verkjalyfjafíkn. Hún hafði þá verið verkjuð síðan hún var níu ára. Geðlæknir leiddi að því líkum að verkir hennar tengdust gervióléttu. Tveimur árum síðar fékk hún loks staðfestingu á því að hún væri með líkamlegan sjúkdóm. Hún vonar að heilbrigðiskerfið og samfélagið læri af hennar sögu.
Lenti í fæðingunni sem hún óttaðist mest
„Það erfiðasta var að það var ekki hlustað á mig þegar ég sagði: Það er eitthvað óeðlilegt í gangi,“ segir Sigrún Lilja Guðjónsdóttir, sem gekk í gegnum mjög erfiða fæðingu með eftirmálum á borð við lífshættulegan blóðmissi, sýkingu, aðgerð og fæðingarþunglyndi. Hún kallar eftir því að betur sé hlustað á konur sem segja frá óeðlilegum sársauka og að ókeypis neyðarþjónustu sé komið á fyrir þær sem lenda í alvarlegu fæðingarþunglyndi.
Veikindi kvenna afskrifuð: „Hún er bara móðursjúk“
Ein var kölluð fíkill þegar hún lýsti óbærilegum líkamlegum kvölum. Svo var hún sögð með heilsukvíða. Önnur var sögð ímyndunarveik. Sú þriðja áhyggjurófa. Dóttir hennar, sem var með ógreint heilaæxli, fékk sama viðurnefni. Sögur þessara kvenna, kvenna sem hafa mætt skilningsleysi innan heilbrigðiskerfisins þrátt fyrir alvarlegan heilsubrest, eru sagðar í nýjum hlaðvarpsþáttum Heimildarinnar: Móðursýkiskastinu.
Athugasemdir