„Við getum aldrei talað um að hann sé að gera það fyrir vin sinn,“ segir sonur Jóns Gunnarssonar, Gunnar Bergmann, fyrrverandi formaður Félags hrefnuveiðimanna, á upptöku þar sem hann lýsir fyrirætlunum Jóns og formanns Sjálfstæðisflokksins um að veita Kristjáni Loftssyni, forstjóra og aðaleiganda Hvals hf., leyfi til áframhaldandi hvalveiða við Ísland.
Samkvæmt fyrirliggjandi upplýsingum er upptakan sem um ræðir afrakstur rannsóknar ónefndra alþjóðlegra samtaka. Heimildin hefur ekki upplýsingar um hvaða samtök stóðu að baki rannsókninni, en hún ber þess merki að hafa verið þaulskipulögð, tímafrek og kostnaðarsöm.
Upptökurnar voru komnar í dreifingu og bárust blaðamönnum Heimildarinnar síðastliðinn fimmtudag, úr ólíkum áttum. Í kjölfarið var viðbragða leitað hjá Jóni og Gunnari.
„Sama um allt annað“
Nokkrir dagar eru síðan Jón Gunnarsson var gerður að sérstökum erindreka Bjarna Benediktssonar forsætisráðherra í matvælaráðuneytinu, sama dag og Jón þáði fimmta sætið á lista Sjálfstæðisflokksins í Suðvesturkjördæmi, eftir að hafa áður tapað fyrir varaformanni flokksins …
Almenningur ætti að fagna þessari uppljóstrun, það gæti reynst ljós inn í bjartari tíð, þar sem spillningardólgarnir og frekjurnar þurfa kannski að fara að hafa hægar um sig.
Heiðarlegt fólk á að fagna og standa að baki fjölmiðlafólks sem sannarlega er að vinna í þeirra þágu. Það þarf að hrista af sér undirgefnina og hætta að kyssa vöndinn hjá sérhagsmunavörðum og óþverrum sem ganga erinda þeirra sem vilja halda samfélagi okkar niðri í misskiptingu og rugli.
Frábær pistill.
Þetta er náttúrulega bara eins og kaupin gerast á eyrinni í flokki sem kennir sig við sjálfstæði.
Nú finnst mér líklegt að Valhallarmafían virki leppa sína innan dómskerfisins til þess að setja lögbann á útgáfu Heimildarinnar.
Það væri ekki í fyrsta skiptið sem slíkt gerðist. Í aðdraganda alþingiskosninga árið 2017 stóð Þórólfur Halldórsson sýslumaður Höfuðborgarsvæðisins fyrir því að setja lögbann á umfjöllun Stundarinnar um fjármálagjörninga Bjarna Benediktssonar og skyldmenna hans í aðdraganda Hrunsins.
Síðar dæmdu dómstólar landsins lögbannið ólöglegt.