„Við ætlum okkur áfram til sigurs“

Í vik­unni héldu kenn­arar fjöl­mennan bar­áttufund í Háskóla­bíói.  Þar ályktaði Kenn­ara­sam­band Íslands að því blöskr­aði afstaða við­semj­enda sinna í kjara­deil­unni og að það tæki undir með áhyggjum for­eldra og nem­enda af stöðu mála. Þá var þess kraf­ist að íslensk stjórn­völd tryggðu að laun félags­fólks stæð­ust sam­an­burð við laun háskóla­mennt­aðra sér­fræð­inga á almennum mark­aði. 

Enginn sé að leika sér

Guðjón Hreinn Hauksson, for­maður Félags fram­halds­skóla­kenn­ara, segir í sam­tali við Heim­ild­ina að með fund­inum sé reynt að ná fram sýni­leika og sam­stöðu kenn­ara­stétt­ar­innar. „Ég held að það sé meg­in­mark­mið hérna og reyna að koma skila­boðum á fram­færi, sem for­maður fer með í ræðu sinni.“

Mynd: Golli

Hann kveðst ánægður með mæt­ing­una. „Við erum því­líkt stolt af þessu. Það er gleði og bar­átta í loft­inu.“ Aðspurður segir Guðjón Hreinn við­brögð sam­fé­lags­ins við þeim verk­föllum sem hófust í síð­ustu viku skilj­an­leg. „Þetta er eðli verk­falla. Þannig virka þau. Það er eng­inn að leika sér. Þetta er það sem við þurfum að gera.“ 

Verkföll hófust í níu skólum þann 29. októ­ber. Þá hafa verk­föll verið boðuð í fjórum skólum til við­bótar síðar í þessum mán­uði. Einn þeirra er Mennta­skól­inn í Reykja­vík, sem mun fara í verk­fall frá og með 18. nóv­em­ber.

Samstaðan sterkasta vopnið

„Það er rosa­leg stemn­ing. Sam­staðan er algjör,“ segir Guðjón Ragnar Jónasson, for­maður Félags kenn­ara Mennta­skól­ans í Reykja­vík, í sam­tali við Heim­ild­ina. Hann segir að í MR standi kenn­ar­arnir saman sem einn maður. „Við erum afskap­lega stolt af okkar fólki. Við ætlum okkur áfram til sig­urs.“

Þannig að það eru allir sáttir með fram­gang mála?

„Það er mikil sam­staða í kenn­urum,“ segir Guðjón Ragnar. „Hún hefur auk­ist og það er vax­andi þungi. Við getum alveg búist við hörðum átökum – og þetta verður kannski tónn­inn næstu árin.“

Þegar talið berst að því hverju bar­áttufund­ur­inn leit­ist við að ná fram segir Guðjón Ragnar að verk­föll séu erfið og þess vegna sé mik­il­vægt að fólk standi þétt saman. „Það er erfitt að fara í verk­fall, það er ekki ein­falt. Það er víða sótt að okkur. Við þurfum að standa mjög fast í lapp­irnar og sam­staðan er okkar sterkasta vopn.“

ValdhafiLítið var um vald­hafa á fremsta bekk á bar­áttufundi kenn­ara í Háskóla­bíó í vik­unni. Ásmundur Einar Daðason, mennta- og barna­mála­ráð­herra, lét sig þó ekki vanta.

Mynd: Golli

Léleg kjör ekki í genum íslenskra kennara

Spurður nánar út í hvaðan sótt sé að kenn­urum segir Guðjón Ragnar að hags­muna­að­ilar líkt og Við­skipta­ráð Íslands tali gegn þeim. „Það er svo­lítið eins og það eigi að vera í gena­mengi Íslend­inga að kenn­arar eigi að hafa lágt kaup. En gena­mengi íslenskra kenn­ara er ekki að sætta sig við léleg kjör.“

Honum þykja þó við­brögð sam­fé­lags­ins við verk­föll­unum sem hófust í síð­ustu viku sum­part jákvæð­ari en hann hefur upp­lifað áður. „Þetta er þriðja verk­fallið sem ég er að fara í og mér finnst við eiga fleiri tals­menn núna, sér­stak­lega meðal ungs fólks. Ég finn víða fyrir stuðn­ingi og við munum ekki gef­ast upp. Við eigum sterka verk­falls­sjóði og ég vænti þess að félagar okkar í nágranna­lönd­unum muni styrkja okkur líka.“

Guðjón Ragnar kveðst sann­færður um að kenn­arar muni ná fram kröfum sínum á end­anum. „Það er kenn­ara­skortur og þetta tekur tíma og við þurfum bara að standa saman sem einn maður. Ef við eigum að fá ungt fólk til að koma í kennslu þá skiptir það miklu máli. Þá skiptir það öllu máli.“

Heldurðu að þetta verði fyrsti og eini bar­áttufund­ur­inn?

„Nei! Þeir verða mýmargir,“ segir Guðjón Ragnar og skellir upp úr.