O Wow O Wow (How Wonderful She Is). Þetta lag af nýju plötunni með Nick Cave and the Bad Seeds hljómaði í eyrum mér þegar flugvélin gerði sig líklega til að lenda á flugvellinum á Svalbarða. Einhvern veginn varð einmitt þessi lína úr laginu að leiðarstefi ferðar okkar hjóna þangað fyrstu daga síðastliðins septembermánaðar því þar er margt til að hrífast af og taka andköf yfir. Ferðinni var heitið á Longyearbyen litteraturfestival, á nyrstu bókmenntahátíð heims, þangað sem mér var boðið frá Íslandi til þess að segja frá íslenskum bókmenntum og stjórna dagskrá með rithöfundunum Sigríði Hagalín Björnsdóttur og Jóni Kalman Stefánssyni.

Heimsins nyrsta …

Svalbarði er eyjaklasi sem að flatarmáli samsvarar um 60% af stærð Íslands en stærsta eyjan er kölluð Spitzbergen („oddhvöss fjöll“) því hollenska landkönnuðinum Willem Barentsz, sem kom eyjunum á kortið, fannst það sérlega lýsandi. Það er óhjákvæmilegt að taka undir með Bartentsz, þarna eru …