Í sumar var tekið upp nýtt fyrirkomulag á bílastæðunum við Landmannalaugar. Farið var að innheimta bílastæðagjöld, en bóka þarf bílastæði fyrir fram sem kostar 450 krónur á álagstíma sem er á milli 8 og 15.
Spurður út í það hvert tilefni breytinganna væri segir Daníel Freyr Jónsson, svæðissérfræðingur í náttúruverndarteymi hjá Umhverfisstofnun, að mikil vandræði hafi verið á bílastæðinu.
„Stanslausar teppur. Sérstaklega fremst þegar það er komið inn á svæðið. Þar var teppa þar sem bílar voru að leggja meðfram fjallinu og langt út af svæðinu. Þá var kannski bílaröð hátt í kílómetra út af bílastæðinu,“ segir Daníel.
Þetta hafði í för með sér að rútur komust ekki leiðar sinnar. Þá þurfti að bregða á það ráð að kalla til bílstjóra bílanna og biðja þá um að færa þá. „Þeir voru oft einhvers staðar uppi á fjalli. Það var mikil töf í þessu,“ segir hann. Annað vandamál var það hve …
Fyrir nokkru lagði sveitarstjórn Rangárþings fram áætlanir um gífurlega uppbyggingu innviða fyrir massatúrisma á svæðinu við Landmannalaugar en í þeim fólst meðal annars stórkarlaleg stækkun á bílastæðinu næst laugunum. Umhverfisstofnun lagði blessun sína yfir þessar áætlanir.
Þegar í ljós kom í fyrra að áætlanir sveitastjórnar Rangárþings stæðust ekki friðlýsingarskilmála Friðlands að Fjallabaki ákvað stjórnin að hefja stækkun bílastæðisins upp á sitt einsdæmi. Þann 13. september 2023 heimilaði stjórnin sjálfri sér að stækka bílastæðið við Námskvísl og stórspilla svæðinu í leiðinni. Náttúruverndarsamtökin Náttúrugrið brugðust strax við og kærðu framkvæmdaleyfið samdægurs og tókst þannig að koma í veg fyrir að svæðinu væri raskað. Í janúar síðastliðnum var framkvæmdaleyfið svo fellt úr gildi af úrskurðarnefnd umhverfis- og auðlindamála enda í fullkomnu ósamræmi við löggjöf á sviði náttúruverndar og umhverfismála. Þá fyrst vaknaði Umhverfisstofnun og tilkynnti að stýra þyrfti umferð inn á svæðið. Vonandi veit það á gott.