Reynsluboltarnir í kosningateymi Katrínar

Katrín Jak­obs­dóttir, fyrr­ver­andi for­sæt­is­ráð­herra, náði á aðeins 54 mín­útum að fá þann lág­marks­fjölda und­ir­skrifta sem þarf til að bjóða sig fram til emb­ætt­is for­seta Íslands. Það þótti tíð­indum sæta þegar það tók Baldur Þór­halls­son klukku­stund og 43 mín­útur að ná lág­marks­fjölda und­ir­skrifta og einnig stuttu síðar þegar það tók Jón Gnarr tveimur mín­útum skemur. En Katrín var því fljót­ust allra fram­bjóð­enda til að ná þessu lág­marki.

Kunnugleg nöfn

Bergþóra Bene­dikts­dóttir hefur verið ráðin kosn­inga­stjóri fram­boðs Katrínar en Bergþóra var aðstoð­ar­maður hennar sem for­sæt­is­ráð­herra. „Við erum að leggja af stað með bar­átt­una og enn á byrj­un­ar­stigum,“ segir hún. 

Auk Bergþóru er búið að ráða Unni Egg­erts­dóttur sem mun sjá um sam­skipta­mál fyrir fram­boð Katrínar. Unnur hefur um ára­bil verið vin­sæl leik­kona en hún hefur einnig starfað sem kosn­inga­stjóri Vinstri grænna í Reykja­vík og verið á fram­boðs­lista fyrir flokk­inn. Hún er búsett bæði á Íslandi og New York en …