Barnahetjur, eða Children heroes á ensku, er úkraínskur góðgerðarsjóður sem skuldbindur sig til að veita langtímaaðstoð til barna sem hafa misst annað eða báða foreldra í stríðinu í Úkraínu. Sjóðurinn veitir börnunum og fjölskyldum þeirra alhliða aðstoð þar til börnin verða 18 ára. Þar má nefna alla mannúðar- og neyðaraðstoð, sálfræðiþjónustu og meðferð, lögfræðiaðstoð, tryggða menntun og útvegun á mat, hlýjum fatnaði og húsaskjól. Með það að markmiði að styrkja börn og foreldra til að sigrast á mótlæti, endurbyggja líf sitt og skapa bjartari framtíð fyrir sig og Úkraínu.

Kateryna Pozinenko er ein af stofnendum sjóðsins. Hún er upprunalega frá borginni Avdiivka í austurhluta landsins sem töluvert hefur verið í fjölmiðlum upp á síðkastið. Þar hafa geisað harðir bardagar síðan í október og talið er að um 13 þúsund Rússar hafi fallið eða slasast alvarlega á rúmlega þremur mánuðum síðan áhlaup þeirra hófst á borgina. Margur lesandinn mun kannast við …