Virðing fyrir lesandanum óháð aldri

„Mér fannst þetta mjög óvænt því ég upp­lifi bók­ina mína sem svo brjál­aða, villta, gróteska og fyndna,“ segir Rán Flygenring marg­verð­laun­aður teikn­ari og höf­undur um að hafa hlotið barna- og ung­linga­bók­mennta­verð­laun Norð­ur­landa­ráðs og bætir við: „Það er geggjað mik­ill heiður að fá þessi verð­laun. Þetta er alveg brjál­æð­is­lega gaman. Ég svíf um á bleiku skýi.“ 

Bókin sem hún vísar í sem villta, brjál­aða og gróteska heitir Eldgos og er mynda­bók sem kom út í fyrra hjá Angústúru for­lagi. Hún segir að orðið „gróteskt“ lýsi til­finn­ing­unni sem hún upp­lifir þegar hún sjálf opnar bók­ina. „Hún er gróf og villt og það er svo mikið í gangi og teikn­ing­arnar eru svo­lítið úti um allt. Þannig hugsa ég um gróteskt,“ segir hún og hikar um stund. 

„Svo skil ég núna að gróteskt og villt passar bara mjög vel við eld­gos. Það er ein­hver sprengi­kraftur og ekk­ert sem heldur aftur af honum. …