Árið 2022 var besta rekstr­arár íslenskra sjáv­ar­út­vegs­fyr­ir­tækja frá upp­hafi. Ástæðan var að hluta til sú að loðnu­ver­tíðin gaf frá­bær­lega af sér. Það gerði hún reyndar árið 2021 líka, eftir að Kristján Þór Júl­í­us­son, þáver­andi sjáv­ar­út­vegs­ráð­herra, ákvað að gera það að einu af sínum síð­ustu verkum á ráð­herra­stóli að úthluta stærsta loðnu­kvóta sem úthlutað hafði verið í 20 ár. Þorri þess kvóta fór til stærstu sjáv­ar­út­vegs­blokka lands­ins. Í vik­unni var til­kynnt að lík­lega yrði engin loðna veidd á kom­andi ver­tíð. Það væri ekki sjálf­bært.

Alls voru tekjur sjáv­ar­út­vegs­ins 382 millj­arðar króna í fyrra, sem var 24 pró­sent hækkun frá árinu á undan. Frá árinu 2018, á fjórum árum, hafa tekjur geirans auk­ist um 55 pró­sent, um 135 millj­arða króna. Fram­legðin jókst enn eitt árið og nálg­ast nú 30 pró­sent. Vert er að taka fram að hér er um tekjur vegna veiða og vinnslu að ræða, ekki vegna fisk­eldis. Á þeirri starf­semi …