Guðmundur Ingi Guðbrandsson félags- og vinnumarkaðsráðherra hefur birt frumvarp í samráðsgátt stjórnvalda sem er ætlað að uppfæra lög um greiðsluaðlögun. Lögin voru upprunalega sett árið 2010 til að hjálpa heimilum sem glímdu við verulega fjárhagserfiðleika og alls hafa um 8.600 manns sótt um úrræðið frá því að þau tóku gildi.
Í einföldu máli snýst greiðsluaðlögun um það að sá sem telur sig ekki geta borgað af skuldum sínum við banka, sem í flestum tilfellum eru vegna íbúðarkaupa, getur sóst eftir því að embætti umboðsmanns skuldara hafi milligöngu um að þeir semji um eftirgjöf hluta skulda sinna.
Eftir bankahrunið voru margir í þeirri stöðu að virði íbúðarhúsnæðis þeirra var minna en skuldirnar sem stofnað hafði verið til til að kaupa það. Það orsakaðist af tvennu: því að mjög há verðbólga – sem fór hæst í 18,6 prósent í byrjun árs 2009 – …
Athugasemdir