Efstu tíu prósentin juku auð sinn um 739 milljarða króna í fyrra

Eigið fé er sá auður sem stendur eftir þegar búið er að draga skuldir frá eignum. Íslensk heim­ili hafa séð þennan auð rísa hratt á síð­ustu árum, sam­hliða því að eigna­bólur, sér­stak­lega á fast­eigna- og hluta­bréfa­mark­aði, hafa verið blásnar upp. Frá árinu 2017 og til loka síð­asta árs nán­ast tvö­fald­að­ist eigið fé ein­stak­linga á Íslandi. Upphæðin fór úr 4.102 millj­örðum króna í 7.748 millj­arða króna. Þegar búið er að leið­rétta fyrir verð­bólgu er raunaukn­ingin á eigin fénu á þessu fimm ára tíma­bili 2.569 millj­arðar króna.

Á síð­asta ári jókst eigið féð í krónum talið meira en nokkru sinni áður. Alls bættu íslensk heim­ili 1.624 nýjum millj­örðum króna við auð sinn á árinu 2022. Þar af fóru 739 millj­arðar króna til þeirra tíu pró­sent lands­manna sem höfðu mestar tekjur, eða 46 pró­sent alls þess auðs sem varð til, og rataði til ein­stak­linga, í fyrra. Sá hópur átti alls 3.982 millj­arða …