„Maður lokaðist frammi á gangi og komst ekki inn og var bara sagt að maður gæti ekki klárað námið því það væri ekki aðgengi,“ segir Margrét Lilja Arnheiðardóttir, formaður Sjálfsbjargar. Hún bendir á að á Íslandi séu hreyfihamlaðir háskólanemar hlutfallslega mun færri heldur en á hinum Norðurlöndunum, sem hún telur afleiðingu slæms aðgengis að háskólabyggingum á landinu. Þrátt fyrir að miklar breytingar hafi átt sér stað á síðustu árum í aðgengismálum við háskóla á Íslandi virðist það ekki enn hafa haft áhrif á fjölda hreyfihamlaðra sem sækja nám við háskóla á Íslandi.
Samkvæmt upplýsingum frá náms- og starfsráðgjöf Háskóla Íslands voru aðeins sjö nemendur í hjólastól við Háskóla Íslands á síðasta starfsári. Tíu nemendur voru lögblindir, fimm sem tala táknmál og um 170 nemendur með hreyfiskerðingu eða úthaldsleysi, til dæmis vegna langvarandi veikinda, lyfjameðferðar, verkja, gigtar, MS, MND og fleira. Lunginn af hópnum var með lesblindu, ADHD, á einhverfurófi eða …
Athugasemdir