Þessi grein birtist fyrir meira en ári.
Úttekt

Hvítir, miðaldra karlar stjórna umhverfis- og náttúruvernd

Ell­efu af fjór­tán for­mönn­um starfs­hópa, stjórna eða stýri­hópa sem ráð­herra um­hverf­is­mála hef­ur skip­að eru hvít­ir, mið­aldra karl­ar sem tengj­ast Sjálf­stæð­is­flokkn­um eða Sam­tök­um at­vinnu­lífs­ins. „Það er mjög al­var­legt,“ seg­ir fram­kvæmda­stjóri Land­vernd­ar.

Hvítir, miðaldra karlar stjórna umhverfis- og náttúruvernd
Mynd: Heimildin / JIS
Erla María Markúsdóttir
erlamaria@heimildin.is

Ellefu af fjórtán formönnum starfshópa, stjórna og stýrihópa sem Guðlaugur Þór Þórðarson hefur skipað sem umhverfis-, orku- og loftslagsráðherra eru hvítir karlar á miðjum aldri. Tíu af körlunum ellefu hafa tengsl við Sjálfstæðisflokkinn eða Samtök atvinnulífsins. Það sama gildir um eina konu í hópnum, en þær eru alls þrjár. Ein þeirra er þingmaður Sjálfstæðisflokksins og fyrrverandi aðstoðarmaður Guðlaugs Þórs í utanríkisráðuneytinu. Tvær hafa hvorki tengsl við Sjálfstæðisflokkinn né Samtök atvinnulífsins. 

„Það er mjög alvarlegt þegar það er orðið mikilvægara að vera í Samtökum atvinnulífsins eða Sjálfstæðisflokknum heldur en að hafa vit á umhverfismálum til þess að geta verið formaður starfshóps á sviði umhverfisverndar,“ segir Auður Önnu Magnúsdóttir, framkvæmdastjóri Landverndar, í samtali við Heimildina.

UmhverfisverndAuður Önnu Magnúsdóttir, formaður Landverndar.
Mynd: Davíð Þór

Auður segir Guðlaug Þór ítrekað hafa hundsað umhverfisverndarsamtök við skipun starfshópa í ráðherratíð sinni sem umhverfis-, orku- og loftslagsráðherra. Þannig hafi hann brotið gegn ákvæði Árósarsamningsins frá 1998 …

Kjósa
38
Hvernig finnst þér þessi grein? Skráðu þig inn til að kjósa.
Efnisorð

Athugasemdir (4)

Skráðu þig inn til að skrifa athugasemd eða kjósa.
  • Ólafur Sveinsson skrifaði
    27. febrúar 2023 20:01
    Þarna er komið beint að kjarna vandamálsins í fyrirsögninni: "Hvítir miðaldra karlar stjórna umhverfis- og náttúruvernd". Vonandi hefur Erla María bent Auði Önnu Magnúsdóttur framkvæmdastjóra Landverndar á að losa sig snarlega við formanninn Tryggva Felixson sem er einmitt hvítur miðaldra karlmaður og það má mikið vera ef það eru ekki fleiri hvítir miðaldra karlar í stjórninni sem þurfa að hverfa á braut svo barátta Landverndar fari að skila árangri. Ef það þarf endilega að hafa miðaldra karlmenn í stjórninni, sem er auðvitað ekkert sjálfsagt mál, er hægur vandi að hafa samband við allan þann fjölda miðaldra karlmanna sem hafa barist árum og áratugum saman fyrir náttúrvernd á Íslandi og eru ekki hvítir.
    0
  • S
    skalp skrifaði
    14. febrúar 2023 17:19
    Þetta er athyglisverð samantekt og tæplega hægt að segja að fagleg sjónarmið hafi í einu og öllu ráðið för við skipan formanna hópanna. Hins vegar væri ekki heldur faglegt að velja fólk frá "frjálsum náttúruverndarsamtökum" í staðinn þar sem t.d. Landvernd og Ungir umhverfisverndarsinnar eru of sjaldan málefnaleg í framgöngu sinni.
    Af þessum þrem hópum sem minnst er á þ.e. hinir XD/SA tengdu, Umhverfisverndarfólkið og Miðaldra hvítir karlmenn hefði ég líklega fyrirfram minnst tortryggt þann síðastnefnda.
    0
  • ADA
    Anna Dóra Antonsdóttir skrifaði
    14. febrúar 2023 16:54
    Að hugsa sér og komið árið 2023; sumir eru komnir á aldur en það skiptir ekki máli af því að þetta eru karlar.
    1
  • SIB
    Sigurður I Björnsson skrifaði
    14. febrúar 2023 10:47
    Það er orðið svo ofboðsleg mikið af peningum í öllum þessum græn þvotti og sýndar umhverfisvernd, þannig að það var bara spurning hvenær hræ æturnar myndu birtast. Það eru margir sem ætla að verða ríkir á sölu með syndaaflausnir. Það er nú meiri munurinn að við getum farið til fjandans með alla pappíra í lagi. Það eina sem verður ekki í lagi verður umhverfið og vistkerfin.
    4
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Nýtt efni

„Mjög skrítið að sjá andlitið á sér alls staðar“
Allt af létta

„Mjög skrít­ið að sjá and­lit­ið á sér alls stað­ar“

Þeg­ar Heim­ild­in ræddi við Sig­ríði Hrund Pét­urs­dótt­ur hafði hún ekki náð til­skild­um fjölda með­mæl­enda til að geta boð­ið sig fram í kom­andi for­seta­kosn­ing­um. Hún dró fram­boð sitt til baka dag­inn sem for­setafram­bjóð­end­urn­ir skil­uðu und­ir­skriftal­ist­an­um. Sig­ríð­ur svar­aði ekki hversu mikl­um fjár­hæð­um hún eyddi í fram­boð­ið.
FréttirPressa

„For­sæt­is­ráð­herr­ann Katrín er nátt­úru­lega bara mann­eskj­an Katrín“

Katrín Jak­obs­dótt­ir for­setafram­bjóð­andi og fyrr­ver­andi for­sæt­is­ráð­herra var með­al við­mæl­enda í Pressu í dag. Hún var spurð hvort hefði tek­ið nógu vel á um­mæl­um þá­ver­andi ut­an­rík­is­ráð­herra um tjald­búð­irn­ar svo­köll­uðu á Aust­ur­velli fyrr á ár­inu. „Ég ætla bara að tala fyr­ir mín um­mæli en ekki um­mæli annarra,“ svar­aði Katrín, líkt og áð­ur.
Elsku ráðherrar, hættið að gefa Ísland
Þórður Snær Júlíusson
Leiðari

Þórður Snær Júlíusson

Elsku ráð­herr­ar, hætt­ið að gefa Ís­land

Nú stend­ur til að gefa norsk­um lax­eld­is­fyr­ir­tækj­um ís­lenska firði til eign­ar. Þeg­ar er bú­ið að gefa ör­fá­um út­gerð­ar­fjöl­skyld­um hundruð millj­arða króna hið minnsta af fé sem ætti að hafa far­ið í sam­fé­lags­lega upp­bygg­ingu. Vilji er til þess að gefa einka­að­il­um vindorku en eng­inn vilji til þess að rukka ferða­þjón­ustu fyr­ir nýt­ingu á al­manna­g­æð­um. Hvað geng­ur ís­lensk­um ráða­mönn­um eig­in­lega til?
Rúlletta Róberts og vitnisburðir starfsfólks: „Þetta er bara rosalega mikið álag“
ÚttektRóbert Wessman, Alvogen og Alvotech

Rúll­etta Ró­berts og vitn­is­burð­ir starfs­fólks: „Þetta er bara rosa­lega mik­ið álag“

Starfs­menn Al­votech lýsa vinnu­álag­inu sem ómann­eskju­legu og hafa leit­að til stétt­ar­fé­laga út af ógreiddri yf­ir­vinnu og fleiri mál­um. Vinnu­að­stæð­urn­ar hafa ver­ið svona út af því að Al­votech hef­ur unn­ið að því að fá mark­aðs­leyfi fyr­ir sam­heita­lyf Humira í Banda­ríkj­un­um. Fyr­ir­tæk­ið hef­ur veðj­að öllu á þetta lyf en sala á því hef­ur dreg­ist sam­an og sam­heita­lyfj­um þess hef­ur alls ekki geng­ið eins vel í Banda­ríkj­un­um og reikn­að var með.

Mest lesið undanfarið ár

Loka auglýsingu