„Hvar fæ ég helvítis hjólbörur,“ öskraði Peter, danskur lyfjafræðingur, á pólskan hermann klæddan vélbyssu á landamærum Póllands og Úkraínu í gærkvöldi. Hann, ásamt vini sínum, hafði fyllt sendibíl af lyfjum og hjálpargögnum og var í þann mun að koma þeim yfir. Þeim var meinað að keyra sendibílinn þessa 500 metra yfir einskinsmannslandið sem skilur löndin að. Þeir máttu selflytja varningin gangandi, á móti stríðum straumi flóttamanna sem voru að yfirgefa landið sitt. 

Hvar fæ ég hjólbörur? Danir reyndu að koma lyfjum yfir landamærin og gengu á móti straumi flóttamanna.

Mynd: Páll Stefánsson

SjúkrabílarnirSitja fastir við landamærin og komast ekki yfir.

Mynd: Páll Stefánsson

„Það er ekkert plan B.“ Þeir voru 40 bílarnir sem Danir voru að gefa til Úkraínu. Bílarnir voru komnir að landamærunum en þeir komu þeim ekki yfir, þar sem úkranískir bílstjórar biðu þeirra. Einskismannslandið, milli landanna var lokað fyrir bílaumferð.

„Ég datt á bananahýði,“ segir Fredrik dansk/sænskur sjúkrabílstjóri sem var búin að keyra eldri danskan sjúkrabíl í einn og hálfan sólarhring frá Köben og til Hrebenne í Póllandi. 

„Síðan er að koma sér heim, en okkur lá svo á að koma bílunum í notkun þar sem þeirra er þörf að við gleymdum að skipuleggja heimferðina. Vitum ekki hvernig við komum okkur til baka. Allar rútur og allir strætóar eru fullir af flóttafólki. Og það eru rúmir 400 km til Varsjár, á næsta flugvöll.“