„Ég vissi strax að hann væri horfinn“

Þröstur Bjarni Eyþórs­son hefur lítið eða ekki talað áður um slysið sem olli dauða Leifs Magnúsar Grét­ars­sonar Thislands, frænda hans og vinar sem þá var aðeins 16 ára gam­all, í des­em­ber 2019. Hann lýsir því nú í fyrsta sinn opin­ber­lega, í sam­tali við Stundina, sem gerð­ist kvöldið 11. des­em­ber við Núpá í Sölvadal í Eyja­firði.

„Það var blíð­skap­ar­veður, logn og stjörnu­bjart, þegar við fórum niður að stíflu til að reyna að koma virkj­un­inni af stað. Hún var búin að vera stopp í nokkra daga, vegna þess að ég hafði ekk­ert kom­ist að henni. Það var búið að vera algjör­lega vit­laust veður í tvo eða þrjá daga áður en þetta ger­ist og ekki við­lit að líta á virkj­un­ina. Sem betur fer hafði ég olíu á tanknum og gat notað dísel­raf­stöð­ina. Það fóru hins …