„Þetta verð kemur nú ansi mikið á óvart. Mér finnst það hel­víti hátt […],“ segir Páll Á. Jónsson, fyrr­ver­andi for­stjóri fjar­skipta­fyr­ir­tæk­is­ins Mílu. Síminn hefur und­ir­ritað samn­ing að selja Mílu til franska sjóð­stýr­ing­ar­fyr­ir­tæk­is­ins Adrian fyrir 78 millj­arða króna. Við­skiptin eru háð sam­þykki Sam­keppn­is­eft­ir­lits­ins. Áætlaður sölu­hagn­aður Símans í við­skipt­unum er 46 millj­arðar króna. Páll var fram­kvæmda­stjóri Mílu á árunum 2007 til 2014 og hafði hann þar á undan starfað hjá Símanum um ára­bil, meðal ann­ars sem fram­kvæmda­stóri fjar­skipta­nets fyr­ir­tæk­is­ins.

Ardian er alþjóð­legt sjóð­stýr­ing­ar­fyr­ir­tæki sem er að stærstu leyti í eigu starfs­manna fyr­ir­tæk­is­ins. Félagið stýrir eignum í sjóðum  upp á 114 millj­arða doll­ara, eða tæp­lega 18.050 millj­arða íslenskra króna. Eigendur hlut­deild­ar­skír­teina sjóða Ardian eru fjöl­margir fjár­festar, meðal ann­ars líf­eyr­is­sjóðir, trygg­inga­fé­lög og fleiri slíkir stórir fjár­festar.

Ardian hefur á síð­ustu árum beint fjár­fest­ingum sjóða sinna til Norð­ur­land­anna og eru kaupin á Mílu sjöttu við­skiptin sem fyr­ir­tækið ræðst í þar á síð­ustu árum. Franska fyr­ir­tækið …