Eina leiðin til að stemma stigu við neikvæðum áhrifum kláms er aukin kynfræðsla. Þetta er mat Thomasar Brorsen Smidt, doktors í kynjafræði og verkefnastjóra hjá Háskóla Íslands, en sjálfur hefur hann rannsakað viðhorf fólks á Íslandi og neyslu þess á klámi. Hann segir gagnrýni á þá Íslendinga sem framleiða klámefni á OnlyFans hafa helst byggst á siðvöndunarsjónarmiðum.

„Enginn þeirra karlmanna ég ræddi við í rannsókninni minni borgaði fyrir klámið sem þeir notuðu,“ segir Thomas, en tekur fram að rannsóknin hafi verið gerð árið 2013 og neyslumynstur í klámi hafi breyst síðan þá. „Klámiðnaðurinn hefur átt erfitt uppdráttar undanfarin ár þar sem allir ná í sitt klám ókeypis á netinu. Stóru fyrirtækjunum eins og Pornhub tókst engu að síður að græða með sölu auglýsinga og fleiru. Mörgum sem nota OnlyFans núna er oft illa við hefðbundna klámiðnaðinn af því að þar er …