Þegar Ósk Tryggva­dóttir og Ingólfur Valur Þrast­ar­son fóru í við­tal í þætt­inum Eigin konur nýverið til að ræða reynslu sína af því að taka upp kyn­lífs­mynd­bönd og birta á vef­síð­unni OnlyFans gegn gjaldi bjugg­ust þau ekki við því að hávær umræða færi af stað á sam­fé­lags­miðlum. Áhrifa­valdar með þús­undir fylgj­enda birtu skoð­anir sínar um þau og starfs­vett­vang­inn og allir virt­ust hafa afstöðu með eða á móti dreif­ingu nekt­ar­mynda, kyn­lífi gegn greiðslu eða klámi almennt.

„Þetta var mjög yfir­þyrm­andi,“ segir Ósk. „Við vissum alltaf að við mundum fá ein­hver við­brögð, en þetta var mjög mikið.“

Ósk og Ingólfur eru bæði með OnlyFans reikn­inga og hafa það að aðal­at­vinnu. Þau eru ekki par, en búa saman og fram­leiða oft saman eró­tískt efni. Ósk bjó á Bret­landi um tíma og kynnt­ist þar fólki sem starfar í eró­tískum dansi á við­burðum. „Ég er mjög ánægð að hafa farið í þann bransa, því ég hef …