Herrar mínir, frúr og aðrir gestir: Hér er hlekkur á þrautina í gær.
Fyrri aukaspurning snýst um myndina hér að ofan.
Á myndinni má sjá leikarana Daniel Day Lewis, John Lynch og Pete Postlethwaite. (Kannski sést Postlethwaite samt ekki ef þið eruð að skoða þetta í síma.)
Í hvaða mynd eru þeir að leika?
***
Aðalspurningar:
1. Hver skrifaði leikritið Beðið eftir Godot?
2. Hvað heitir höfuðborg Taílands?
3. Í hvaða stjörnumerki var Ísbjörg?
4. Við hvaða reikistjörnu er tunglið Evrópa?
5. Stutt en snarpt stríð var háð árið 1973 þegar Egiftaland og Sýrland réðust á Ísrael, sóttu fram ákaflega en fóru að lokum halloka. Hvað kallast þetta stríð?
6. Hvað heitir sakamaðurinn sem er aðalpersóna í Íslandsklukku Halldórs Laxness, sá sem bindur alla hina miklu frásögn saman?
7. Í hvaða hljómsveit var Urður Hákonardóttir? Sjálfsagt hefur hún verið í fleiri en einni hljómsveit en hér er spurt þá frægustu.
8. Hinn gamli fáni Líbíu, meðan Gaddadí réði þar ríkjum, var einlitur. Hvernig var hann á litinn?
9. Árið 1935 héldu nasistar í Þýskalandi tilkomumikið flokksþing, sem átti að sýna þeirra og mikilfengleik. Flokksþingið var kvikmyndað og vissulega eru myndirnar frá því eftirminnilegar. En í hvaða borg var flokksþingið haldið?
10. Og hver leikstýrði kvikmyndinni um þetta flokksþing, þar sem mikið var lagt upp úr gríðarlegum fjöldasenum og auk þess spilað upp á ljós og skugga?
***
Seinni aukaspurning:
Sæmundur á selnum heitir stytta eftir Ásmund Sveinsson. Til eru tvö eintök af henni. Önnur er framan við Háskóla Íslands en hin er við kirkjustað úti á landsbyggðinni, sem hér sést. Og spurt er:
Hvaða kirkjustaður er þetta?
***
Þá koma hér svörin við aðalspurningunum:
1. Samuel Beckett.
2. Bangkok.
3. Ljón. Hér er vísað til skáldsögunnar „Ég heiti Ísbjörg ég er ljón“ eftir Vigdísi Grímsdóttur.
4. Júpíter.
5. Yom Kippur.
6. Jón Hreggviðsson.
7. GusGus.
8. Grænn.
9. Nürnberg.
10. Leni Riefensthal.
***
Svör við aðalspurningum:
Kvikmyndin heitir In the Name of the Father.
Kirkjustaðurinn er Oddi á Rangárvöllum.
Spurningaþrautin
Fyrri grein
136. spurningaþraut: Kóngurinn Atahúalpa og þéttbýliskjarnar utan Faxaflóa
Næsta grein
Athugasemdir