Hæ. Hér er þrautin frá því í gær.

En þá er það fyrst fyrri aukaspurning.

Hún vísar til myndarinnar hér að ofan.

Myndin sýnir brot af frægu málverki. Hvað heitir það?

***

Hér eru aðalspurningarnar í dag:

1.   Íslendingar áttu þátt í að stofna dagblað í Danmörku fyrir 14 árum, Nyhedsavisen hét það. Því var dreift ókeypis og náði mikilli útbreiðslu, þótt ekki yrði það langlíft. Gamalreyndur ritstjóri og fjölmiðlamaður á Íslandi átti mestan þátt í að hleypa því af stokkunum, og hafði enda áður gert svipaða hluti á Íslandi, með góðum árangri. Hver er maðurinn?

2.   Hvað hét franska skopmyndablaðið sem birti umdeildar myndir af Múhameð spámanni múslima?

3.   Í hvaða landi heitir höfuðborgin Canberra?

4.   Meiri landafræði: Kína er fjölmennasta ríki heims og Indland kemur skammt á eftir. En hvaða ríki er í þriðja sæti?

5.   En hvaða ríki er svo í fjórða sæti?

6.   Hvaða tónlistarmaður hefur gefið út gífurlega vinsælar plötur sem heita þeim yfirlætislausu nöfnum 19, 21 og 25?

7.   Hvað heitir spænskur réttur, upprunninn í Valencia, sem hefur að geyma sjávarafurðir eða ýmislegt kjöt, og svo mikið af hrísgrjónum, auk krydds og ýmissa jurta, sem er eldað saman í einni pönnu, og yfirleitt borið fram á henni líka? Saffron þykir ómissandi krydd í þennan rétt.

8.   Hver skrifaði Heimskringlu?

9.   Úr hvaða gígum kom hraunið sem rann í Skaftáreldum?

10.   Ódóaker hét maður maður, uppi í fornöld, nánar tiltekið á fimmtu öld eftir Krist. Hvert er tilkall Ódóakers til frægðar? 

***

Og þá kemur síðari aukaspurning.

Hvað heitir hljómsveitin, sem hér treður upp:

***

Svör við aðalspurningum:

1.   Gunnar Smári Egilsson.

2.   Charlie Hebdo.

3.   Ástralíu.

4.   Bandaríkin.

5.   Indónesía.

6.   Adele.

7.   Paella.

8.   Snorri Sturluson.

9.   Lakagígum.

10.   Hann setti frá völdum síðasta keisara vesturrómverska ríkisins árið 476 og með því markaði hann í raun endalok hins eiginlega Rómaveldis, þótt það lifði áfram í austri lengi enn.

***

Svörin við aukaspurningunum:

Málverkið heitir Guernica og var málað af Pablo Picasso.

Það lítur svona út í heild:

Hljómsveitin, sem spurt var um í seinni aukaspurningu, heitir aftur á móti Skriðjöklar, eða hét, því hún mun vera lítt eða starfandi um þessar mundir.

***

Og hér er loks aftur linkur á þraut gærdagsins.

Missið alls ekki af henni!