„Við erum sjálfstæðar ungar konur og getum sagt sjálfar frá,“ segja Katrín og Kolfinna Arndísardætur, sem sendu nýlega frá sér yfirlýsingu þar sem þær skýrðu frá því hvað lá að baki þeirri ákvörðun að þær slitu sambandi við föður sinn og stjúpföður, Dofra Hermannsson. 

Dofri er formaður Félags um foreldrajafnrétti, situr í jafnréttisráði og er fyrrverandi varaborgarfulltrúi Samfylkingarinnar. Um árabil hefur hann rætt opinberlega um foreldraútilokun og vísað til eigin reynslu í því samhengi, en hann heldur því fram að móðir þeirra hafi eitrað hug þeirra til hans og sett þær í hollustuklemmu sem olli því að þær slitu samskiptum við hann. Í kjölfar þess að hann birti pistilinn Leyfi til að elska á Vísi ákváðu systurnar að nú skyldu þær ekki þegja lengur heldur segja sína sögu. Yfirlýsing þeirra birtist á Facebook-síðu samtakanna Líf án ofbeldis, en nú stíga þær fram í fyrsta sinn undir nafni og mynd til …