Allir for­stjórar fyr­ir­tækj­anna í Kaup­höll­inni voru á hærri launum en for­seti Íslands í fyrra. Sá tekju­lægsti þeirra er á tíföldum lág­marks­launum, þegar tekið er til­lit til hlunn­inda og líf­eyr­is­greiðslna. Þetta má lesa úr árs­reikn­ingum fyr­ir­tækj­anna, sem flestir hafa verið birtir að und­an­förnu.

Launa­hæstur for­stjóra fyr­ir­tækj­anna í Kaup­höll­inni er Árni Oddur Þórð­ar­son hjá Marel. Laun hans með hlunn­indum og líf­eyr­is­greiðslum nema 14,6 millj­ónum króna á mán­uði. Samkvæmt lífs­kjara­samn­ingnum voru lág­marks­laun 317 þús­und krónur á mán­uði í fyrra. Þegar til­lit er tekið til greiðslna í líf­eyr­is­sjóð eru laun Árna Odds því um 44 sinnum hærri en laun ein­stak­lings á lág­marks­launum. Marel er þó í sér­flokki hvað varðar fyr­ir­tækin í Kaup­höll­inni, enda er stór hluti starf­semi fyr­ir­tæk­is­ins erlendis.

Á eftir Árna Oddi koma for­stjórar Haga, VÍS, Origo og Festa. Tekju­lægsti for­stjór­inn er Bjarni Ármanns­son, for­stjóri Iceland Seafood. Félagið er það nýjasta til að vera skráð á aðal­markað Nasdaq Iceland og annað af tveimur …