Guðlaugur Þór sigraði í Reykjavík – Sigríður Andersen beið afhroð

Guð­laugur Þór Þórð­ar­son utan­rík­is­ráð­herra sigr­aði í próf­kjöri Sjálf­stæð­is­flokks­ins í Reykja­vík sem lauk í gær. Hann varð efstur í próf­kjör­inu með 3.508 atkvæði í fyrsta sætið.

Áslaug Arna Sig­ur­björns­dóttir dóms­mála­ráð­herra varð í öðru sæti. Hún fékk 186 færri atkvæði en Guð­laugur Þór í efsta sætið, sem hún hafði sóst eftir. Þau tvö munu því leiða lista flokks­ins í Reykja­vík­ur­kjör­dæm­unum í kom­andi kosn­ingum.

[adspot]Í þriðja sæti varð Diljá Mist Ein­ars­dóttir, aðstoð­ar­maður Guðlaugs Þórs, og Hildur Sverr­is­dóttir, sem er aðstoð­ar­maður Þórdísar Kol­brúnar Reyk­fjörð Gylfa­dóttur og vara­þing­maður, varð í fjórða sæti. Það þýðir að þær tvær verða í öðru sæti á lista Sjálf­stæð­is­flokks­ins í sitt­hvoru kjör­dæm­inu sem ættu að óbreyttu að vera örugg þing­sæti.

Núver­andi þing­menn flokks­ins í Reykja­vík­ur­kjör­dæmi suður, Brynjar Níelsson og Sigríður Á. Andersen sem leiddi list­ann 2017, sótt­ust bæði eftir öðru sæt­inu í próf­kjör­inu og þar af leið­andi odd­vita­sæti. Þau áform gengu ekki eftir.

Brynjar end­aði í fimmta sæti sem þýðir að hann verður í bar­áttu­sæti á lista flokks­ins í öðru Reykja­vík­ur­kjör­dæm­inu, þiggi hann það. Sigríður, sem hóf kjör­tíma­bilið sem dóms­mála­ráð­herra en þurfti að segja af sér emb­ætti vorið 2019, beið afhroð og varð ekki á meðal átta efstu í próf­kjör­inu. Hún er því á leið af þingi.

Í sjötta sæti varð Birgir Ármanns­son, þing­flokks­for­maður Sjálf­stæð­is­flokks­ins.

Sjálf­stæð­is­flokk­ur­inn er sem stendur með fimm þing­menn sam­an­lagt í báðum Reykja­vík­ur­kjör­dæm­unum. Samkvæmt nýj­ustu könn­unum getur flokk­ur­inn vænst þess að ná fjórum til fimm þing­mönnum inn í kjör­dæmum höf­uð­borg­ar­innar. Þeir Brynjar og Birgir verða því í bar­áttu­sæt­unum að óbreyttu.

Í sjö­unda sæti varð Kjartan Magn­ús­son, fyrr­ver­andi borg­ar­full­trúi, og í því átt­unda almanna­teng­ill­inn Friðjón R. Frið­jóns­son.

Alls greiddu 7.208 manns atkvæði í próf­kjör­inu.