Áhætta fólgin í fjárfestingu í Tesla

Banda­ríska raf­bíla­fyr­ir­tækið Tesla þarf að safna mörgum millj­örðum Banda­ríkja­dala á næstu 12 mán­uðum til þess að greiða upp tap rekst­urs­ins, að því er kemur fram í grein­ingu grein­ing­ar­deildar Citi-bank­ans. CNBC-frétta­stofan banda­ríska greinir frá.

Tesla er nú að setja þriðju bíl­gerð sína á markað, Tesla Model 3, og fjár­festar segj­ast vera von­góðir um að bíll­inn muni selj­ast vel. Þrátt fyrir það telur Citi það áhættu­samt að fjár­festa í Tesla um þessar mundir.

„Fjár­streymi Tesla er nei­kvætt um þessar mundir og við teljum að fyr­ir­tækið muni þurfa aukið rekstr­arfé. Erf­ið­leikar við að sækja fjár­magn gætu sett tölu­verðan þrýst­ing á fjár­hags­stöðu fyr­ir­tæk­is­ins,“ segir í minn­is­blaði Italy Michaeli, grein­anda Citi, sem sent var við­skipta­vinum bank­ans.

Michaeli segir vera jákvæðar horfur fyrir Tesla sem er leið­andi á mark­aði með bíla fram­tíð­ar­innar, en að hann myndi vilja bíða með að setja fjár­magn í rekst­ur­inn þar til rekstr­ar­reikn­ing­ur­inn líti betur út.

Grein­ing­ar­deildin spáir því að fjár­streymi Tesla verði nei­kvætt um 1,1 millj­arð dala í lok árs 2017 og að það verði orðið nei­kvætt um fjóra millj­arða dala á fyrsta árs­fjórð­ungi árs­ins 2018. Tapið er vegna fram­leiðslu og þjón­ustu­kostn­aðar við nýja bíl­inn Model 3. Michaeli segir fjár­streymið ekki verða jákvætt fyrr en árið 2019.