Kolbeinn Óttarsson Proppé steig fram á Facebook fyrir skömmu og lýsti því yfir að hann væri gjaldþrota. Hann segir það vera erfiðustu spor sem hann hefur stigið í lífinu en hann sé hættur að vera í afneitun, búinn að vera edrú í rúm tvö ár og loksins tilbúinn að horfast í augu við lífið eins og það er, með hæðum og lægðum. Langvarandi alkóhólismi hafi sett sitt mark á líf hans en nú sé komið að því að gefa lífinu til baka.
Til að skilja hvernig alkóhólismi þróast og veldur því að fólk missir tök á lífi sínu er oft vænlegast að byrja á byrjuninni, fara alla leið aftur í æskuna. Kolbeinn segist hafa alist upp „úti um allt“, í Reykjavík, á Dalvík, í Hafnarfirði, á Siglufirði og í Kópavogi. Grunnskólarnir voru fimm og hann var ári á undan jafnöldrum sínum í skóla. „Maður vandist því fljótt að vera nýi gaurinn í skólanum og það kannski mótaði mann að einhverju leyti en ég held þetta sé samt aðallega bara mitt eðli; ég á mjög erfitt með að vera lengi á sama stað og þarf alltaf að vera að prófa eitthvað nýtt. Grasið er alltaf aðeins grænna hinu megin.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir