Í norðanverðum Hvalfirði, inn í miðju landbúnaðarsvæði, stendur iðnaðarsvæðið á Grundartanga. Á svæðinu, sem áður var eitt gjöfulasta landbúnaðarsvæði landsins, var árið 1979, eftir mikinn barning, reist járnblendiverksmiðja. 1998 var svo álverið á Grundartanga gangsett, með 60.000 tonna ársframleiðslu að leiðarljósi. Álverið hefur svo verið stækkað fimm sinnum síðan þá, og framleiðir nú 300.000 tonn árlega. Stendur nú til að stækka aftur, upp í 360.000 tonn, og úrskurðaði Skipulagsstofnun að ekki þyrfti að fara fram nýtt umhverfismat. Ástæðan fyrir því er sögð vera sú að þrátt fyrir aukna framleiðslu muni mengun samt ekki aukast.
Mengandi þungaiðnaður tældur til landsins
Iðnaðarráðuneytið og Landsvirkjun, gáfu út frægan bækling árið 1995, sem ber heitið „LOWEST ENERGY PRICES!!“ Þar er biðlað til fyrirtækja í þungaiðnaði að hefja starfsemi á Íslandi. Hér sé ódýrasta, hraustasta og duglegasta vinnuafl í heimi. Hreinasta loftið og vatnið, sem og ofboðslegt magn af rafmagni á útsöluverði. Einnig er sérstaklega tekið fram að afstaða til umhverfismála sé mjög afslöppuð. Að hér sé t.d. mjög lítið af hinu svokallaða „red tape“, sem er hugtak notað til að lýsa reglugerðum og lögum sem m.a. geta tafið gangsetningu á mengandi iðnaði. Þremur árum eftir útgáfu bæklingsins var álverið á Grundartanga gangsett, með 900 milljóna stofnkostnaði sem kom frá Bandaríska fyrirtækinu CVC.
Söluræða á ensku, umhverfisvörn á íslensku
Á íslensku heimasíðu Faxaflóahafna, eiganda svæðisins á Grundartanga, má á forsíðunni nálgast umhverfisstefnu fyrirtækisins. Þar er farið fögrum orðum um hugsjónir þess, að fara eftir öllum lögum og reglugerðum, draga úr neikvæðum umhverfisáhrifum, efla umhverfisvitund, og síðast en ekki síst
Athugasemdir