Marco Evaristti, listamaðurinn sem hellti rauðum matarlit í Strokk á Geysissvæðinu í Haukadal á föstudag hefur komið víða við á ferli sínum. Grænland, Mont Blanc, Sahara, Noregur og nú Ísland – allt eru þetta staðir þar sem hann hefur framkvæmt svipaða gjörninga undir nafninu „Pink State“.
Sjálfur lítur hann svo á að um list sé að ræða og kallar verkið, hverinn sem gaus bleiku, the 5th Pink State, The Rauður Thermal Project. Á heimasíðu sinni talar hann um að fegurð náttúrunnar sé alltaf jafn yfirþyrmandi. Hann geri listaverk á og í náttúrunni sem endist aðeins jafn lengi og liturinn sjálfur. Vill hann meina að mannúð, náttúruvernd og bætur á umhverfinu séu meginþemu þessara gjörninga.
Þemað varð til árið 2004, þegar hann fór til Grænlands með það að marki að mála ísjaka rauðan. Sama ár hafði Illulissat ís-fjörðurinn í Disco Bay flóanum á Vestur Grænlandi verið settur á heimsminjaskrá UNESCO. Fjörðurinn er 56 kílómetra langur og fullur af risastórum borgarísjökum úr einum afkastamesta skriðjökli á norðurhveli, Sermeq Kujalleq. Fjörðurinn hafði einnig verið í umræðunni vegna loftlagsbreytinga.
Athugasemdir