Katrín lítur ekki svo á að löggjafinn hafi gert mistök við setningu sóttvarnalaga

„Ég vil ekki líta svo á að lög­gjaf­inn hafi gert mis­tök,“ segir Katrín Jak­obs­dóttir for­sæt­is­ráð­herra um setn­ingu nýrra sótt­varna­laga sem sam­þykkt voru sam­hljóða á Alþingi í byrjun febr­úar síð­ast­liðnum. Þetta kom fram í við­tali við Katrínu í Kast­ljósi á RÚV í kvöld.

Hér­aðs­dómur Reykja­víkur komst að þeirri nið­ur­stöðu í gær að laga­stoð skorti fyrir því að skylda alla far­þega sem koma frá háhættu­svæðum í sótt­kví á sótt­kví­ar­hól­teli. Reglu­gerð hafði verið sett til að koma hinu ólög­mæta fyr­ir­komu­lagi á. Í kjöl­farið bauðst öllum að þeim sem úrskurð­ur­inn náði til ljúka sótt­kví ann­ars stað­ar, hafi þeir við­und­andi aðstöðu til þess. Þórólfur Guðna­son sótt­varna­læknir hefur í sam­ráði við heil­brigð­is­ráðu­neytið ákveðið að vísa úrskurði hér­aðs­dóms Reykja­vík­ur, um að ekki megi skikka fólk í sótt­varna­hús, til Lands­rétt­ar.

[adspot]Á upp­lýs­inga­fundi almanna­varna í dag sagði Þórólfur að svo virt­ist sem nið­ur­staða hér­aðs­dóms byggði á því að skil­grein­ing á sótt­varn­ar­húsi í sótt­varna­lögum væri ekki full­nægj­andi. Því væri ekki hægt að byggja reglu­gerð heil­brigð­is­ráðu­neyt­is­ins frá 1. apr­íl, þar sem fólki frá áhættu­löndum er gert að vera í sótt­kví í sótt­varna­hús­um, á því.

[links]„Ég tel mik­il­vægt að laga­grund­völlur verði tryggður svo hægt verði að vernda heilsu þjóð­ar­innar sem mest,“ sagði Þórólfur sem hefur skorað á stjórn­völd að tryggja hann. Ekki reynd­ist sam­staða innan vel­ferð­ar­nefndar um hvað gera skuli vegna þeirrar stöðu sem upp er komin.

Katrín sagði í Kast­ljósi að nið­ur­staða hér­aðs­dóms væri von­brigði. Markmið stjórn­valda væri skýrt, að verja líf og heilsu lands­manna á meðan á far­aldr­inum stæði. Það hefði verið mjög góð sam­staða innan rík­is­stjórn­ar­innar um aðgerðir und­an­farið ár. Reglu­gerðin sem skikk­aði fólk í sótt­kví í sótt­varn­ar­húsi hafi verið tekið fyrir í rík­is­stjórn og í ráð­herra­nefndum með emb­ætt­is­mönnum. Ekki hafi verið uppi ágrein­ingur í rík­is­stjórn um setn­ingu reglu­gerð­ar­innar.