Fasteignaeigendum á Íslandi hefur fækkað hratt á undanförnum árum og ríflega 10% færri búa í eigin íbúð í dag en í lok árs 2008. Þetta kemur fram í nýrri könnun Íbúðalánasjóðs, sem verður kynnt í hádeginu. Aftur á móti vilja fleiri nú kaupa húsnæði en áður.
Í desember 2008 sögðust 77,6 prósent svarenda búa í eigin húsnæði. Árið 2013 var hlutfallið 73,2% en nú eru það 70,1% svarenda sem segjast eiga húsnæðið sem þeir búa í.
Tæplega 93 prósent svarenda í könnuninni telja að það sé óhagstætt að vera á leigumarkaði, sem er gríðarleg fjölgun frá árinu 2011, þegar hlutfallið var 55,4%.
Um 15 prósent Íslendinga segjast vera að hugleiða að kaupa fasteign á næsta árinu, en þetta hlutfall breytist ekki mikið þegar litið er til eigna- og skuldastöðu fólks. Hjá þeim sem geta safnað talsverðu sparifé er þetta hlutfall þó hæst, 21 prósent þess fólks segist öruggt eða líklegt að það muni huga að fasteignakaupum á næstu 12 mánuðum. Hjá fólki sem safnar skuldum eða notar sparifé til að ná endum saman er þetta hlutfall 15 prósent.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.












































Athugasemdir