Telur um stefnubreytingu að ræða hjá ASÍ

Vil­hjálmur Birg­is­son, for­maður Verka­lýðs­fé­lags Akra­ness, segir að þær áherslur sem hann og Ragnar Þór Ing­ólfs­son, for­maður VR, hafi barist fyrir innan Alþýðu­sam­bands Íslands (ASÍ) á liðnum miss­erum hafi verið „sópað undir teppi af þeim sem núna öllu ráða innan ASÍ“. Þetta kemur fram í stöðu­upp­færslu hjá Vil­hjálmi á Facebook í dag en hann sagði af sér emb­ætti sem 1. vara­for­seti ASÍ í byrjun apríl.

ASÍ hefur kynnt áherslur sínar fyrir stjórn­völdum vegna næsta efna­hag­s­pakka rík­is­stjórn­ar­innar í kjöl­far COVID-19 en í til­kynn­ingu frá sam­band­inu kemur fram að það leggi áherslu á að þessi efna­hag­s­pakki tryggi meðal ann­ars eft­ir­far­andi þætti:

Fyrir fólk, ekki fjármagn

• Aðgerðir stjórn­valda eiga fyrst og fremst að snú­ast um að tryggja afkomu launa­fólks og hags­muni almenn­ings.
• Tryggja þarf nægi­legt fjár­magn og nauð­syn­legar aðgerðir til að bæta stöðu hópa atvinnu­lausra og þeirra sem hafa veika stöðu á vinnu­mark­aði.
• Námsmenn hafi mögu­leika á eðli­legum fram­gangi í námi. Beina þarf fólki inn í menntun og fram­halds­fræðslu sem virkar til fram­tíðar og tryggja að stuðn­ingur við nýsköpun stuðli með beinum hætti að atvinnu­sköpun.
• Stjórn­völd þurfa að sýna fram á að aðgerðir þeirra stuðli að jöfn­uði, jafn­rétti og sjálf­bærni og að stað­inn sé vörður um heim­ilin í land­inu í gegnum efna­hagslægð­ina.
• Stuðn­ingur við fyr­ir­tæki á að vera skil­yrtur því að störfum sé við­haldið eða ný störf sköpuð og grund­vall­ar­rétt­indi launa­fólks séu virt.
• Til að hljóta frek­ari stuðn­ing þurfi fyr­ir­tæki og eig­endur að hafa nýtt eigin bjargir og und­ir­gang­ast skil­yrði um að greiða ekki út arð eða kaup hlut í sjálfum sér næstu tvö ár. Fyr­ir­tæki sem svindla á úrræðum stjórn­valda eiga að sæta við­ur­lögum.

[adspot]

Afkomuöryggi fyrir alla

• Bráða­birgða­á­kvæði um hluta­bætur atvinnu­leys­is­trygg­inga þarf að fram­lengja en að óbreyttu fellur það úr gildi þann 1. júní n.k. Hækka þarf atvinnu­leys­is­bætur þegar í stað en grunn­bætur eru umtals­vert lægri en lág­marks­laun og þak vegna tekju­teng­ingar er oft lágt.
• Ein­stak­lingar með und­ir­liggj­andi sjúk­dóma og þung­aðar konur sem skv. ráð­legg­ingum heil­brigð­is­yf­ir­valda eiga að halda sig heima þurfa að falla undir lög um laun í sótt­kví.
• Tryggja þarf afkomu launa­fólks hjá fyr­ir­tækjum sem skv. fyr­ir­mælum heil­brigð­is­yf­ir­valda þurfa að hætta starf­semi alfarið og for­eldra sem ekki geta sótt vinnu að fullu vegna skerts skóla­starfs í leik- og grunn­skólum.
• Tryggja þarf hús­næð­is­ör­yggi, meðal ann­ars með því að hækka húsa­leigu­bætur, flýta hlut­deild­ar­lánum fyrir fyrstu kaup­endur og fjölga almennum íbúðum.
• Aðgerðir stjórn­valda þurfa að ná til öryrkja og elli­líf­eyr­is­þega.
• Ríki og sveit­ar­fé­lög og fyr­ir­tæki sem vel standa verða að tryggja sum­ar­störf fyrir náms­menn á kom­andi sumri, sam­hliða því að boðið verði upp á styrki til náms­manna til að stunda nám á sum­arönn. náms­manna til að stunda nám á sum­arönn.

Gefur ekki mikið fyrir þessar áherslur

Vil­hjálmur gefur ekki mikið fyrir þessar áherslur en hann segir í stöðu­upp­færslu sinni að ekki sé vikið einu orði að flestum þeim atriðum sem þeir Ragnar Þór hafi barist fyrir.

Hann útlistar þau atriði sem þeir hafi lagt mikla áherslu á. Þau séu eft­ir­far­andi:

• Verja heim­ilin fyrir hugs­an­legu verð­bólgu­skoti með því að setja þak á neyslu­vísi­töl­una.
• Að heim­il­unum standi til boða greiðslu­hlé í allt að eitt ár.
• Krefja fjár­mála­kerfið þar með talið líf­eyr­is­sjóð­ina að skila stýri­vaxta­lækkun Seðla­bank­ans til neyt­enda.
• Að staðið verði við bann á 40 ára verð­tryggðum lánum.
• Að verja störfin.
• Að verja kaup­mátt launa­fólks.

Hann segir að ekk­ert af þessum atriðum séu hjá ASÍ og ljóst sé að um stefnu­breyt­ingu sé um að ræða af hálfu núver­andi for­ystu ASÍ.

„Ég harma þessa stefnu­breyt­ingu en hún kemur mér hins­vegar ekki á óvart, en fyr­ir­sögnin sem birt­ist í áherslum ASÍ: Fyrir fólk, ekki fjár­magn, end­ur­spegl­ast alls ekki í þeim áherslum ASÍ kynnti rétt í þessu og er það dap­urt!“