Þessi færsla er meira en 6 ára gömul.
Verkfall í Þýskalandi: Skemmri vinnuviku krafist
Nýverið voru háð þrjú 24 stunda verkföll í Þýskalandi, þar sem skemmri vinnuviku var krafist. IG Metall, stærsta stéttarfélag Þýskalands, skipulagði verkföllin, en stéttarfélagið telur um 2,2 milljón meðlimi. Verkföllin náðu til að minnsta kosti 80 fyrirtækja, þar á meðal stórfyrirtækja á borð við Daimler, Siemens and Airbus.
Markmið stéttarfélagsins með verkfallinu var að ná fram 28 stunda vinnuviku fyrir þá sem það vildu, gegn hlufallslegri kjaraskerðingu sem því nemur, en með því skilyrði að fólk gæti snúið til baka í fulla vinnu eftir tvö ár. Ástæðan fyrir kröfunni er sú að meðlimum stéttarfélagsins fannst vanta samræmingu vinnu og einkalífs, sérstaklega hjá þeim sem ættu ung börn, hjá þeim sem þyrftu hugsa um aldraða foreldra eða einhvern sem ætti við langtíma veikindi að stríða.
Stéttarfélagið náði fram kröfu sinni. Aukinheldur við þennan rétt, þá náði stéttarfélagið fram 4,3% launahækkun og eingreiðslu til starfsmanna.
Vinnuvikan í Þýskalandi er með þeim skemmri í Evrópu.
IG Metall hefur oft leitt réttindabaráttu launafólks í Þýskalandi. Reiknað er með því að önnur stéttarfélög fylgi í kjölfarið og tryggi svipuð réttindi fyrir sína starfsmenn.
Fleiri færslur frá höfundi
Jafnaðarsamfélagið: Aukin lífsgæði, jafnari tækifæri og meiri samheldni
Íslenskt samfélag hefur lengi viljað jöfnuð meðal borgaranna – við höfum jafnvel stært okkur af jöfnuði og verið stolt af því að ójöfnuður hafi ekki aukist á meðan það hefur verið raunin annars staðar. Og um margt byggðum við upp samfélag jöfnuðar, þar sem munurinn á aðstæðum og tækifærum fólks var ekki of mikill. En við vikum af braut jöfnuðar...
Kjarasamningar: Um vetrarfrí, styttingu vinnutímans og framfarir
Nú á næstu mánuðum losna flestir kjarasamningar á íslenskum vinnumarkaði og semja þarf um kaup og kjör í mjög mikilli óvissu um framtíðina. Verðbólga er mikil og efnahagsástandið í heiminum er um margt ótryggt. Þá er okkur á margan hátt eðlislægt að reyna aðeins að verja það sem hefur áunnist, fremur en að stuðla að framförum. En það væri misráðið:...
Nokkur orð um misheppnaða bankasölu og samfélagsbanka
Undanfarnar vikur hefur mikið verið rætt um einkavæðingu Íslandsbanka og efnt til mótmæla í sex skipti vegna hennar. Umræðan og mótmælin eru bæði skiljanleg og eðlileg, enda er einkavæðingin misheppnuð því traust almennings gagnvart henni er nú gufað upp. Fátt grefur jafn hratt undan trausti eins og vafasamir viðskiptahættir og sérhygli. Ef einkavæðing á að geta talist vel heppnuð verður...
Tilraunaverkefni um fjögurra daga vinnuviku - líka á Íslandi
Á undanförnum áratug á Íslandi hefur mikið verið rætt um og tekist á um styttingu vinnuvikunnar, en þökk sé mikilli umræðu og baráttu stéttarfélaga og annarra samtaka fyrir málefninu tókst að semja um styttri vinnuviku í kjarasamningum. Hér léku tilraunaverkefni BSRB um styttri vinnuviku hjá Reykjavíkurborg og ríkinu lykilhlutverk, en með þeim jókst skilningur á því hvernig mætti útfæra...
Athugasemdir