Þessi færsla er meira en 11 ára gömul.
SFR ályktar um vinnutíma
Stéttarfélags í almannaþjónustu (SFR) hélt aðalfund í gær þar sem ályktað var um að stytta beri vinnuvikuna:
SFR kröfur sína um að stjórnvöld setji tafarlaust fram raunhæfar tillögur um að tryggja stöðugleika í íslensku efnahagslífi og þess er auk þess krafist að farið verði í vinnu sem miðar af því að stytta vinnuvikuna í 36 stundir.
Að auki var ályktað um að vinnuvika vaktafólks verði í mesta lagi 80% af vinnuviku þeirra sem vinna eingöngu dagvinnu. Það væri mjög til bóta gagnvart þeim sem vinna vaktavinnu, vegna þess að vaktavinna er slítandi og erfiðari en dagvinna. Rannsóknir hafa sýnt þetta ítrekað.
Ályktun SFR er fagnaðarefni. Það sem þarf að gerast núna er að stéttarfélög taki höndum saman um málefnið og mæti til samningaborðs, með sameiginlegar kröfur um styttingu vinnuvikunnar. Það er löngu kominn tími til að við styttum vinnuvikuna.
***
Þessi pistill birtist áður á bloggsíðu höfundar á DV.is
Fleiri færslur frá höfundi
Jafnaðarsamfélagið: Aukin lífsgæði, jafnari tækifæri og meiri samheldni
Íslenskt samfélag hefur lengi viljað jöfnuð meðal borgaranna – við höfum jafnvel stært okkur af jöfnuði og verið stolt af því að ójöfnuður hafi ekki aukist á meðan það hefur verið raunin annars staðar. Og um margt byggðum við upp samfélag jöfnuðar, þar sem munurinn á aðstæðum og tækifærum fólks var ekki of mikill. En við vikum af braut jöfnuðar...
Kjarasamningar: Um vetrarfrí, styttingu vinnutímans og framfarir
Nú á næstu mánuðum losna flestir kjarasamningar á íslenskum vinnumarkaði og semja þarf um kaup og kjör í mjög mikilli óvissu um framtíðina. Verðbólga er mikil og efnahagsástandið í heiminum er um margt ótryggt. Þá er okkur á margan hátt eðlislægt að reyna aðeins að verja það sem hefur áunnist, fremur en að stuðla að framförum. En það væri misráðið:...
Nokkur orð um misheppnaða bankasölu og samfélagsbanka
Undanfarnar vikur hefur mikið verið rætt um einkavæðingu Íslandsbanka og efnt til mótmæla í sex skipti vegna hennar. Umræðan og mótmælin eru bæði skiljanleg og eðlileg, enda er einkavæðingin misheppnuð því traust almennings gagnvart henni er nú gufað upp. Fátt grefur jafn hratt undan trausti eins og vafasamir viðskiptahættir og sérhygli. Ef einkavæðing á að geta talist vel heppnuð verður...
Tilraunaverkefni um fjögurra daga vinnuviku - líka á Íslandi
Á undanförnum áratug á Íslandi hefur mikið verið rætt um og tekist á um styttingu vinnuvikunnar, en þökk sé mikilli umræðu og baráttu stéttarfélaga og annarra samtaka fyrir málefninu tókst að semja um styttri vinnuviku í kjarasamningum. Hér léku tilraunaverkefni BSRB um styttri vinnuviku hjá Reykjavíkurborg og ríkinu lykilhlutverk, en með þeim jókst skilningur á því hvernig mætti útfæra...
Athugasemdir