Keldan og Gangverð hófu nýverið samstarf. Samstarfið felst í því að áskrifendur Keldunnar geta nálgast nýja þjónustu sem kallast „Verðvísir Fasteigna”. Verðvísir er nýtt fasteignamat sem byggir á tölfræðigreiningu á raunsöluverðum eigna úr þinglýstum kaupsamningum, þar sem eiginleikar eigna á borð við stærð, gerð og staðsetningu ráða mestu og vægi einstakra áhrifaþátta ræðst af reiknireglu sem lágmarkar spáskekku.
Þetta er í fyrsta skipti sem svo nákvæm gögn eru tekin saman með þessum hætti, en notendur geta séð hvert verð var á eignum í nýjustum viðskiptum.
Keldan rekur m.a. fjölmiðlavakt á Vaktarinn.is og vefinn Keldan.is sem er upplýsingaveita sérsniðin að íslensku fjármála- og viðskiptalífi og veitir einstaklingum og fyrirtækjum aðgang að opinberum upplýsingasöfnum eins og hlutafélagaskrá og ársreikningaskrá RSK.
Gangverð er tæknifyrirtæki á sviði tölfræðilegrar greiningar, stofnað 2011. Auk Verðvísis fasteigna beinist vöruþróun Gangverðs að mörkuðum fyrir notaða bíla og skráð verðbréf. Eigendur Gangverðs eru stofnendur og Nýsköpunarsjóður atvinnulífsins.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.












































Athugasemdir