Ferðamenn ólíklegri til að smita út frá sér hér á landi ef þeir veikjast

Þeir sem eru búsettir á Íslandi og eru þátt­tak­endur í íslensku sam­fé­lagi er hætt­ara við að smita út frá sér hér á landi ef þeir veikj­ast heldur en ferða­menn. Þetta gildir bæði um íslenska rík­is­borg­ara og erlenda sem eru búsettir hér. Þetta kemur fram í svari Almanna­varna við fyr­ir­spurn Kjarnans.

Þá segir að ef erlendir rík­is­borg­arar sem eru hér á ferða­lagi gefi sig fram vegna veik­inda eða tengsla við veika ein­stak­linga með COVID-19 verði þeir einnig settir í ein­angrun eða sótt­kví.

[adspot]

Fram kom í fréttum í dag að sótt­varna­læknir hefði ákveðið að útvíkka enn frekar háá­hættu­svæðin vegna COVID-19.

Frá og með fimmtu­deg­inum 19. mars 2020 er Íslend­ingum og öðrum með búsetu á Íslandi og koma til lands­ins skylt að fara í tveggja vikna sótt­kví án til­lits til hvaðan þeir eru að koma. Und­an­þegnir þessu er flug­á­hafnir og áhafnir flutn­inga­skipa.