Eignir íslenskra lífeyrissjóða voru metnar á 4.950 milljarða króna í lok mars síðastliðins. Þær hækkuðu um 30,7 milljarða króna milli mánaða. Sú hækkun er að öllu leyti vegna þess að erlendar eignir sjóðanna, sem voru 1.485 milljarðar króna í lok mars, jukust um 33,3 milljarða króna í mánuðinum. Þá hækkun má að minnsta kosti að hluta rekja til þess að krónan veiktist gegn helstu viðskiptagjaldmiðlum Íslands í marsmánuði. Alls drógust innlendar eignir lífeyrissjóðakerfisins saman um 2,6 milljarða króna í mars.
Þetta kemur fram í nýjum tölum um eignir íslenskra lífeyrissjóða sem Seðlabanki Íslands birti í dag.
Vert er að benda á að á annan tug milljarða króna er greitt inn í lífeyrissjóðakerfið í formi iðgjalda í hverjum mánuði. Því er tapið milli mánaða, að þeim meðtöldum, meira en greint er frá í tölum Seðlabankans. Búast má við því að inngreiðslur muni dragast umtalsvert saman í nánustu framtíð í ljósi þess að 55 þúsund manns eru nú atvinnulausir að öllu leyti eða að hluta á Íslandi. Það þýðir að launagreiðslur til þess hóps munu dragast verulega saman og samhliða því iðgjöld sem skila sér í lífeyrissjóðina.
[adspot]Ljóst er að hluti þess höggs sem lífeyrissjóðirnir munu þurfa að taka á eignasafn sitt vegna áhrifa af útbreiðslu veirunnar sem veldur COVID-19 sjúkdómnum á eftir að koma fram en tölurnar fyrir marsmánuð eru þó jákvæðar.
Fóru yfir fimm þúsund milljarða í janúar
Eignir kerfisins fóru yfir fimm þúsund milljarða króna í janúar 2020, en lækkuðu um 88 milljarða króna í febrúar. Það var í fyrsta sinn síðan í desember 2018 sem að eignir kerfisins drógust saman milli mánaða. Þá lækkuðu eignirnar um 100 milljarða króna en jukust svo aftur um 145 milljarða króna í næsta mánuði á eftir. Þar var því um mjög tímabundna niðursveiflu að ræða.
Eina skiptið fyrir utan það sem eignirnar hafa lækkað meira í krónum talið en þær gerðu í febrúar 2020 var í október 2008, þegar íslenska bankakerfið hrundi. Þá töpuðu lífeyrissjóðirnir 209 milljörðum króna á einum mánuði.
Það verður þó að taka inn í dæmið að heildareignir þeirra fyrir hrunið voru 1.868 milljarðar króna og því var hlutfallslega áfallið þá mun meira en það er nú. Í febrúar 2020 lækkuðu eignir íslensku lífeyrissjóðanna um 1,7 prósent en í hrunmánuðinum 2008 lækkuðu þær um rúmlega ellefu prósent.
Í nóvember 2008 hækkuðu eignirnar svo aftur um 73 milljarða króna og hluti af tapinu náðist því til baka, aðallega með gengisfalli.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir