Fyrirtæki eru farin að snúa baki við Samtökum byssueigenda í Bandaríkjunum (NRA). Flugfélögin United og Delta bættust í hóp bílaleiganna Hertz og Enterprise sem buðu báðar upp á afslætti fyrir félagsmenn samtakanna. Meginástæðan fyrir ákvörðuninni er sú, að vaxandi þrýstingur er nú á öll fyrirtæki í Bandaríkjunum, sem bjóða félagsmönnum NRA vildarkjör, að draga stuðninginn til baka.
Nemendur við Stoneman Douglas High School í Flórída, þar sem 17 voru myrtir 14. febrúar síðastliðinn, hafa skipulagt mótmæli og fundi, til að beita stjórnmálamenn og fyrirtæki þrýstingi, svo að byssulöggjöfinni verði breytt. Hefur barátta þeirra náð inn í Hvíta húsið, þar sem Donald Trump Bandaríkjaforseti tók á móti nemendum og aðstandendum, skömmu eftir atburðinn.
Á samfélagsmiðlum hefur baráttan farið fram undir myllumerkinu #BoycottNRA, og hefur spjótunum þannig verið beint gegn þessum valdamiklu samtökum. Þau voru stærsti styrkjandi kosningabaráttu Donalds Trumps, með meira en 30 milljónir Bandaríkjadala í heildarstyrki.
Opinber tala yfir heildarfjölda félaga í NRA í Bandaríkjunum hefur aldrei verið gefin upp, en talið er að 5 til 6 milljónir manna séu í samtökunum, og njóti meðal annars víðtæku vildarkjarakerfi víðs vegar um Bandaríkin, ekki síst í byssuverslunum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir