Sigríður Andersen, dómsmálaráðherra, upplýsti Bjarna Benediktsson, forsætisráðherra og formann Sjálfstæðisflokksins, um það í júlí, að Benedikt Sveinsson, faðir hans, væri meðal meðmælenda Hjalta Sigurjóns Haukssonar, dæmds barnaníðings, sem nauðgaði og misþyrmdi stjúpdóttur sinni í tólf ár og hlaut fyrir það dóm í Hæstarétti. Brotin áttu sér stað þegar stúlkan var 5 til 17 ára.
Þetta kemur fram á vef Vísis, en vefurinn greindi fyrstur miðla frá því í dag, að Benedikt Sveinsson hefði verið meðal þeirra sem mæltu með uppreist æru fyrir Hjalta. Viðtalið við Sigríði var birt í fréttum Stöðvar 2.
Þetta kom fram í viðtali við Sigríði Á. Andersen, dómsmálaráðherra, í beinni útsendingu í fréttum Stöðvar 2 í kvöld.
Hún sagði að embættismenn hefðu henni greint henni frá því í lok júlí að faðir Bjarna væri á meðal umsagnaraðila Hjalta. Hún hefði talið rétt að láta forsætisráðherra vita af því.
„Hann kom algjörlega af fjöllum,“ sagði Sigríður í viðtali við Stöð 2 og Vísi.
Dómsmálaráðuneytið hefur enn ekki birt gögnin um votta þeirra sem hafa fengið uppreist æru, líkt og úrskurður úrskurðarnefndar um upplýsingamál segir til um. Einungis hafa verið birt gögnin í máli Roberts Downey, sem var til umfjöllunar í fyrrnefndu máli. En upplýsingafulltrúi ráðuneytisins, Jóhannes Tómasson, hefur upplýst um að unnið sé að því.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
stjórnarkreppa
Íslensk stjórnvöld leiðréttu frétt Washington Post
Vinstri græn vildu ekki í starfsstjórn með Viðreisn og Bjartri framtíð
Segir ekki tilefni til rannsóknar á embættisfærslum ráðherra
Landsfundi Sjálfstæðisflokksins frestað fram á næsta ár
Átta flokkar næðu manni á þing samkvæmt nýrri könnun
Athugasemdir