Framboðshökt væntanlegt vegna smitbylgju í Kína

Kór­ónu­veirusmitum hefur fjölgað hratt í tveimur kín­verskum borgum á síð­ustu dögum og hafa stjórn­völd þar í landi brugð­ist við þeim með umfangs­miklum sótt­varn­ar­að­gerðum. Samkvæmt sér­fræð­ingum gæti bannið valdið miklu hökti í alþjóð­legum vöru­flutn­ingum og fram­leiðslu á raf­tækjum.

New York Times greindi frá því á sunnu­dag­inn að útgöngu­banni hafi verið komið á í hafn­ar­borg­inni Shenzhen vegna mik­illar fjölg­unar smita þar á síð­ustu dögum. Nýgreind smit voru þó ein­ungis 66 tals­ins í gær, en kín­versk stjórn­völd hafa áður gripið til umfangs­mik­illa aðgerða í land­inu til þess að kæfa far­ald­ur­inn niður í fæð­ingu.

Shenzhen, sem hefur alls 17,5 millj­ónir íbúa, er mið­stöð kín­verskra tækni­fyr­ir­tækja og raf­magns­tækja­fram­leið­enda, auk þess sem hún hefur að geyma Yantian-höfn­ina, sem er fjórða stærsta gáma­höfn í heimi. Um 90 pró­sent af öllum raf­tækjum frá land­inu fara um þá höfn.

Útgöngu­banni var komið á fót í borg­inni í fyrra­vor, en í kjöl­farið á því urðu miklar trufl­anir í vöru­flutn­ingum á milli landa, sem leiddi til vöru­skorts og skarpra verð­hækk­ana á Vest­ur­löndum. Marga mán­uði tók að vinda ofan af þeim

Á meðal fyr­ir­tækja sem eru í borg­inni er Foxconn, sem er stærsti fram­leið­andi iPhone síma frá Apple. Í kjöl­far til­kynnts útgöngu­banns ákvað Foxconn að stöðva fram­leiðslu sína í tveimur af verk­smiðjum félags­ins í gær, en fyr­ir­tækið sagð­ist ætla að bíða eftir ráð­gjöf frá

Nýjum smitum hefur einnig fjölgað í Shanghai, sem hefur að geyma stærstu gáma­höfn í heimi. Rík­is­stjórn Kína hefur þó ekki enn sett á útgöngu­bann þar, en bannar þó íbúum borg­ar­innar að ferð­ast úr henni að nauð­synja­lausu.

Í við­tali við Associated Press sagði Albert Au, sem er sér­fræð­ingur hjá sótt­varn­ar­stofnun Kína, að það væri alls ekki búið að koma böndum á veiruna. „Um leið og við hættum að vera var­kár er mögu­legt að sýk­ingar muni aukast aftur,“ bætti hann við.