Fanney Birna nýr aðstoðarritstjóri Kjarnans

Fanney Birna Jóns­dóttir hefur verið ráðin aðstoð­ar­rit­stjóri Kjarnans. Hún mun hefja störf í dag. Fanney Birna mun sömu­leiðis koma inn í eig­enda­hóp Kjarnans.

Hún er fyrr­ver­andi aðstoð­ar­rit­stjóri Frétta­blaðs­ins og hefur und­an­farið ár stýrt póli­tíska þjóð­mála­um­ræðu­þætt­inum Silfrinu á RÚV ásamt Agli Helga­syni. Fanney Birna mun áfram stýra Silfrinu ásamt Agli.

Fanney Birna verður þriðji starfs­mað­ur­inn sem bæt­ist við hjá Kjarn­anum á skömmum tíma. Bára Huld Beck blaða­maður og Grettir Gautason verk­efna- og sölu­stjóri hófu einnig nýverið störf á miðl­inum.

Fanney Birna segir það mik­inn heiður fyrir sig að ganga til liðs við Kjarnann og sam­fé­lagið sem hefur mynd­ast í kringum mið­il­inn. „Ég er mjög spennt fyrir því að takast á við þetta verk­efni og þróa Kjarnann áfram með því öfl­uga fólki sem þar er fyrir. Íslenskt sam­fé­lag þarfn­ast nauð­syn­lega sterkra og óháðra fjöl­miðla. Á tímum þar sem blaða­mönnum fer fækk­andi og almanna­tenglum hratt fjölg­andi, ásamt því að valda­mestu menn sam­fé­lags­ins veigra sér ekki við því að vega að heiðri og þannig trausti fjöl­miðla, er beittur, gagn­rýn­inn og aðhalds­samur frétta­flutn­ingur ómet­an­legur. Ég fagna tæki­fær­inu til þess að fá að leggja mitt lóð á vog­ar­skál­arnar í þessum efnum hjá Kjarn­anum, sem hefur sýnt að mið­ill­inn er til þess gerður að veita bæði stjórn­völdum og stór­fyr­ir­tækjum það aðhald sem er nauð­syn­legt í okkar lýð­ræð­is­sam­fé­lagi.“

[adspot]Þórður Snær Júl­í­us­son, rit­stjóri og fram­kvæmda­stjóri Kjarnans, segir það mik­inn lið­styrk að fá Fanneyju Birnu til liðs við mið­il­inn. „Kjarninn hefur vaxið mikið á und­an­förnum árum og mun fagna fimm ára afmæli á kom­andi ári. Rekstur mið­ils­ins er orð­inn sjálf­bær og stefnt er á mikla sókn á kom­andi árum. Þar hjálpar til að við höfum rekið fyr­ir­tækið heið­ar­lega og skyn­sam­lega frá fyrsta degi, alltaf gert upp við alla og skuldum engum neitt. Lesendur okkar hafa sýnt að þeir treysta Kjarn­anum til að vera leið­andi fjöl­mið­ill þegar kemur að umfjöllun um, og grein­ingu á, stjórn­málum, efna­hags­málum og við­skiptum. Fanney Birna verður feiki­lega öflug við­bót við teymið okkar. Hún hefur hæfi­leika, þekk­ingu og reynslu sem mun bæta miklu við það sem við höfum upp á að bjóða.“

[links]Kjarninn rekur frétta­vef, gefur út dag­legan morg­un­póst og heldur úti umfangs­mik­illi hlað­varps­þjón­ustu. Þá gefur Kjarninn út Vís­bend­ingu, viku­rit um við­skipti, efna­hags­mál og nýsköpun, og heldur úti enskri frétta­þjón­ustu. Kjarninn er einnig í sam­starfi við önnur fjöl­miðla­fyr­ir­tæki um fram­leiðslu á efni. Þar ber helst að nefna sjón­varps­þátt Kjarnans á Hring­braut og útgáfu mán­að­ar­lega frí­blaðs­ins Mannlíf sem er gefið út í sam­starfi við Birting.

Mynd: Birgir Þór Harð­ar­son