Anonymous-samtökin hafa ráðist að, og náð að loka, vefsíðum forsætisráðuneytisins, innanríkisráðuneytisins og umhverfisráðuneytisins. Auk þess hafa þau ráðist á, og náð að loka, heimasíðum innanríkisráðuneytisins á ensku og síðunni government.is, enskri útgáfu af heimasíðu stjórnarráðsins. Allar síðurnar liggja sem stendur niðri.
Meðlimir samtakanna sögðu frá þessu á Twitter fyrr í kvöld. Árásirnar eru gerðar til að mótmæla hvalveiðum Íslendinga.
Þetta er ekki í fyrsta sinn sem Anonymous hefur gert atlögu að vefsíðum á Íslandi. Kjarninn greindi frá því 16. nóvember síðastliðinn að meðlimir samtakanna hafi ráðist á fjölmargar íslenskar vefsíður í vikunni áður. Atlagan olli miklum á netþjónustu og þjónustuaðilar tilkynntu viðskiptavinum sínum um þær. Á meðal þeirra síðna sem meðlimir tengdir Anonymous hreyktu sér af á Twitter að hafa náð að loka tímabundið fyrir erlendri umferð voru síða forsætisráðuneytisins, Mbl.is, Símans, Menn.is, Iceland.is og Visiticeland.is.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir