Verðbólgan hjaðnar og mælist nú 2,1 prósent

Vísitala neyslu­verðs, sem mælir verð­bólgu­þróun, hefur hækkað um 2,1 pró­sent síð­ustu tólf mán­uði. Það þýðir að verð­bólga í mars mars var sú tala og lækk­aði um 0,3 pró­sentu­stig frá síð­asta mán­uði, þegar hún var 2,4 pró­sent. Þetta kemur fram í frétt sem birt var á vef Hagstofu Íslands í morgun.

Þar segir enn fremur að vísi­tala neyslu­verðs án hús­næð­isliðar hafi hækkað um 1,8 pró­sent und­an­farið ár.

Í frétt­inni er sér­stak­lega tekið fram að mæl­ingin hafi verið unnin áður en veru­lega fór að bera á neyslu­breyt­ingum vegna þess ástands sem nú eru að koma fram í sam­fé­lag­inu vegna útbreiðslu COVID19 á Íslandi.

[adspot]Í sviðs­myndum um efna­hags­legar afleið­ingar far­ald­urs­ins, sem Seðla­banki Íslands birti á mið­viku­dag, kom fram að bank­inn telji að verð­bólga muni drag­ast meira saman í því ástandi sem nú ríkir. Spá hans frá því í febr­úar gerði ráð fyrir með­al­verð­bólgu á árinu upp á 1,9 pró­sent. Sviðs­mynd­irnar gera hins vegar ráð fyrir því að hún verði lægri, eða 1,4 til 1,5 pró­sent.

Þar ræður miklu að lægra verð á hrá­vöru alþjóð­lega, sér­stak­lega olíu, og sá mikli slaki sem er að skap­ast á Íslandi toga á móti hefð­bundnum verð­bólgu­hvötum eins og geng­is­falli krón­unnar.

Fyrir liggur að einka­neysla mun drag­ast veru­lega saman og þar skiptir miklu að kaup á flug­ferðum til útlanda hefur lagst af, að minnsta kosti tíma­bundið. Í mars hækk­aði verð á fötum og skóm um 4,5 pró­sent og hús­næð­is­kostn­aður hækk­aði um 0,9 pró­sent. Verð á flug­far­gjöldum lækk­aði hins vegar um 10,1 pró­sent og verð á bens­íni og olíu um 2,6 pró­sent.

Verð­bólgan fór undir 2,5 pró­sent mark­mið Seðla­banka Íslands í des­em­ber síð­ast­liðnum en hún náði því síð­ast í júní 2018. Frá þeim tíma reis hún hæst í 3,7 pró­­sent í des­em­ber 2018.